❀⊱Madel's POV⊰❀
-Continuation...
Ang bilis ng pagtibok ng aking puso. Pakiramdam ko ay hindi na ako makahinga pa. Gusto kong maupo sa kama upang maintindihan ko ang lahat ng pag-uusapan namin, pero nananatili akong nakahiga. Hindi ako makagalaw. Para akong na-estatwa na sa kinahihigaan ko.
"Gusto mo bang maupo muna?" Tanong niya na tila ba nababasa niya ang mga mata ko. Bahagya akong tumango, at saka niya ako nilapitan. Napatingin ako kay Noah na naglakad palabas ng silid, at saka niya isinara ang pintuan.
Pagkaupo ko sa kama, bahagya kong ibinaba ang mga paa ko, at saka ko inayos ang unan sa likuran ko at bahagya akong sumandal, pero dahil nahihirapan ako na makahanap ng pwesto... nagulat ako ng bigla niya akong binuhat at inilipat sa recliner na nasa tabi ng kama, pagkatapos ay nau
