Katatapos pa lamang maglaba ni Danielle sa mga damit ni Dani nang marinig niya ang so rang lakas na busina ng kotse sa tapat gate ng bahay ni Drewner. Napakunot siya ng noo. Sino naman kaya ang taong bumubusina na akala mo'y walang mga kapitbahay na makakarinig sa ginagawang pagbusina ng malakas? Sigurado naman na hindi ito si Drewner dahil hindi nagbubusina ng ganoon kalakas ang lalaki. Speaking of Drewner, she's glad na hindi siya pinalayas nito matapos ang ginawang pagsagot niya rito noong isang gabi. Akala niya ay paaalisin na siya pagsapit ng umaga ngunit paggising niya ay wala na ito. Nang bumalik naman ito sa gabi ay iniwasan siya. Kaya naisip niya na hindi na siya nito paaalisin gaya ng sinabi nito. At siguro rin ay naisip nito na kailangan ni Dani ng yaya na katulad niya.
"Liz, s
