Nakita naman ni Evor ang kayabangang taglay ng kalaban niya. Ngunit ang mga nilalang na ito ay hindi magdudulot ng maganda sa kaniyang pananatili sa mundong ito.
Gusto nilang kunin ang kaisa-isang alas na meron siya na si Zhaleh. Kung kailangan niyang pumaslang upang makaligtas sila sa kinakaharap nilang malaking banta ay gagawin niya.
"Zhaleh, lend me your power!" Ngumisi ng malademonyo si Evor matapos nitong isigaw ang mga katagang ito habang makikitang bigla na lamang nabalutan ng asul na liwanag ang buong katawan ni Evor na siyang ikinagulat ng lahat ng mga kalaban nito.
Nagulat naman si Demosthenes sa kaniyang nasaksihan at mabilis na sinugod ang kinaroroonan ni Evor sa pamamagitan ng pagtalon ng mataas ngunit isang mabigat ngunit malamig na bagay ang biglang gumapos sa kaniyang ka
