Cassiopeia POV
Ang galit na nabuo sa akin ang siyang dahilan kung bakit nagawa kong gumawa ng isang malaking bola ng apoy at tinupok ang lahat ng madaraanan no'n. Wala na akong pakialam kung sino ang aking matatamaan o mapapatay dahil sa aking ginagawa. Traydor ang lahat! Dapat lang na mamatay sila!
Napuno ng luha ang aking mga mata. Tila napakawalang kwenta ng aking kakayahan kung sariling ina ko ay hindi ko magawang mahanap at mailigtas! Kapag may nangyaring masama, lintik lang ang walang ganti! Lahat sila ay sisingilin ko!
Sinubukan akong pigilan ni Doll ngunit walang nagawa ang abilidad niya sa akin. Natigilan lang ako nang hindi ko magawang kumilos dahil tila may kung sino ang nagdala sa akin sa ibang dimensyon. Malayo sa laban ngunit ramdam ko ang kakaibang init sa lugar na iyon.
