Cassiopeia POV
"Kumusta ang inyong naging pagsubok?" tanong sa amin ni Abellona.
"Masaya ngunit nakakapagod," sagot ni Ry. Sa hindi malamang dahilan ay tinawanan siya nito.
"Ang huli ay tiyak na hindi ninyo ikatutuwa at tiyak akong sobra kayong mapapagod," ani Abellona at saka nagbigay ng kakaibang ngiti. Hindi ko alam kung ngiti iyon ng pagbabanta o ngiting pinakakalma kami dahil sa tinuran niya. Ano naman kaya ang posibleng huling pagsubok na hindi namin ikatutuwa?
"Saan gaganapin ang aming huling misyon?" tanong ni Doll.
"Nagmamadali ka ba, Doll?" tanong pabalik ni Abellona rito. Hindi naman nakasagot ang isa kaya muling tumawa si Abellona. "Biro lang. Sumunod muna kayo sa akin," aniya at saka kami tinalikuran. "May mga kailangan muna kayong makaharap bago ang inyong huling pags
