JUAN CARLOS' POV
Tahimik kaming apat habang binabaybay ang daan patungo sa Hilaga. Kinailangan naming maglakad dahil masiyadong mahina ang katawan ni Lalahon para makagawa ng lagusan papunta doon. Maaari naman sana naming liparin ang lugar, pero mula ng maalala kami ni Sarayan, biglang nawala ang panandalian niyang lakas. Humina din ang katawan at ang kakayahan niya dahil sa matagal na kawalan ng katawan at malay. Ni hindi niya magawang palabasin ang mga pakpak niya.
Habang naglalakad kami ay hindi ko maiwasang hindi titigan ang kapatid ko. Mahigit dalawang taon ko siyang hindi nakita at nakasama. Nang sakalin niya si Allysandra kanina at ikulong ako sa bola ng tubig ay hindi ko pa rin siya magawang saktan ng totoo. We didn't have a very wonderful history together pero alam ko sa saril
