Tanghali na nang makabalik kami sa isla ni Treece. Unli buffet ng seafoods ang sumalubong sa amin sa dining area ng lodging facility. Agad nagtubig ang bagang ko sa masarap na tanawing iyon na sinabayan pa ng pagkulo ng aking tiyan. Noon ko lang naramdaman ang gutom sa ilang oras naming pagbababad sa tubig ni Treece at may kalayuang byahe mula sa dalampasigan patungo sa pusod ng karagatan papunta at pabalik.
"C'mon honey, let's eat."
Nagtatanong na tinignan ko si Treece habang pinaghihila ako nito ng upuan sa tapat ng malawak na mesa.
"Teka, para sa'tin ba 'to?" Hindi makapaniwalang tanong ko rito. Sa dami kasi ng pagkain ay aakalain mong isang batalyon ang kakain. Maliban sa seafoods ay marami ring mga kakaning naroon at iba't-ibang uri ng panghimagas.
Piyesta rin ba dito?
"Yes, ho
