Kapag masaya ka, matuling lilipas ang araw.
Iyan ang kasabihang napatunayan ko sa isang buwang bakasyon namin ni Treece sa Samar.
"Mamimiss ka namin Ms. Lexy. Dalasan niyo ang bakasyon ni Sir Treece dito ha." Iyan ang huling paalam sa'min ni Maggie.
Sa huling araw namin sa ancestral house ay sama-sama kaming naghanda ng isang simpleng salu-salo.
"Mamimiss ko dito sa Samar." Maluha-luhang sambit ko habang binabaybay namin ang San Juanico bridge pauwi.
Sa loob ng isang buwan ay puro pamamasyal at paglilibang ang ginawa namin ni Treece. Iba't-ibang lugar at pasyalan ang pinuntahan namin. Nilibot namin maging ang maliliit na isla na sikat sa mga turista. May pagkakataon pa ngang namundok kami at ilang araw nanatili sa tuktok noon. Mahirap at nakakapagod ngunit kapag nandoon ka na, sobr
