- كلام الناس

1482 Words

كان واقف وعينه باصة في الارض من الخجل، وهو بيطلب السماح، ابتسمت بسخرية و قولتله ، عايزني اسامحك ده اللي هو ازاي ، عايزني اقولك اوك وخلاص ويلا بينا، ليه يا علي ، هو انت دوست علي صباع رجلي، انت مش متخيل انت عملت فيا ايه انت **رتني في عز ماكنت محتاجك، انت وجعتني وكشفت ضهري وانا في امس الحاجة اليك، يااااه يا علي هو انا كنت رخيصة عندك اوي كدا ، عشان متديش لنفسك خمس دقايق تفكير وتعرف الحقيقة ، للاسف ياعلي انت مش الراجل اللي امنه علي نفسي واعتبره سندي ، رد وقالي اعذريني اللي شفته مكانش هاين، ومافيش راجل يتحمله، صرخت وقلت بس متقولش راجل بس متظلمش الرجال ، لان افعالك مش افعال الرجال، انت اخترت الحل السهل تعرف انا لو حياتي متعلقة بيك ، برده هقولك اسفة ، نزلت مني دمعة غصب عني سيبته ودخلت اوضتي وارتميت على سريري احضن نفسي اوسيها علي الغلط الكبير اللي غلطته في حقها، لما ارتبط بواحد زي علي ، انا افنان سني 28 سنة متجوزة خريجة صيدلة ، من أسرة متوسطة الحال ، طول عمري جميله و بيتقدملى عرسان كتير ، بس انا مكنتش بوافق ، عشان كنت بحب علي ، الولد الشقي اللي كان بيزوغ من كلية التجارة ويجي الصيدلة ، عشان تفضل عيونه متبعاني في **ت ، ولحد ما تفاجأت به بيوم بيعترف بحبه، كان شعور جميل مش بحسه غير لما اشوفه ، ولما اتقدملي مهمنيش حياته البسيطة ، وقلت وماله ايد علي ايد هنبني حياتنا مدام الحب تالتنا، واتجوزنا وعشت مع علي في نفس الشقة اللي كان عايش فيها مع امه، واللي عبارة عن اوضتين وصالة مساحتها يدوب 50 متر ، وعجبني جدا موقف علي لما رفض عرض بابا عليه ، وهو اننا نتجوز ونعيش معاهم في شقتنا لان مساحتها اكبر، قاله انه ميقدرش يسيب امه لوحدها، وهو نفسه يبدأ حياته معايا من الصفر،واكيد اتجوزنا وعلي اشتغل محاسب في بنك، وانا اشتغلت في صيدلية سارة صحبتي من ايام الجامعة ، وبمرتبي ومرتب علي بدانا نخطط حياتنا ، واتفقت انا وعلي اننا ناجل موضوع الخلفة لحد ما نقدر نجيب شقة كبيرة شوية ، حتي يكون فيها ارضة للاولاد، ولان زي اي ست مصرية اصيلة ، كنت بشيل نص مرتبي ونص مرتب علي واعمل به جمعية ، لحد ما في يوم علي اتصرف له مكافأة، لقيته جالي وقالي ، المكافأة ده ليكي انتي ، احنا داخلين علي العيد ، وانتي بقالك سنتين مش بتشتري لنفسك حاجة ، خوديهم ورحي هاتيلك فستان وجزمة وشنطة ، اخدتهم بعد الحاح كبير من علي، وقولت لسارة تنزل معايا عشان نشتري الفستان، وفعلا نزلنا واتف*جنا ووقعت عيني علي فستان شيك جدا ، قلت لسارة واو اية رائيك يا سارة ، قالتلي جميل بس انطفت فرحتي بعد ماشوفت سعره ، لانه كان ضعف المبلغ اللي معايا، سارة قالتلي فعلا جميل وهيكون عليكي خرافة، ردت بزعل وقولتلها ااه بس ياخسارة، مش هينفع اشتريه، سعره غالي عليا اوي، بسيط لقيت البنت اللي شغالة في المحل جت فاجاة وتدخلت في الكلام وقالت علي فكرة الفستان ده عليه خ** 60% والعرض ده لمدة يوم واحد، قولتلها بفرحة يعني هو لسة داخل العرض، قالت ااه ، قولتها اصلكم مش موضحين انه عليه خ** ، ردت وقالت لان صاحب المحل بيخلي الخ** عشؤئي وبيكون ديما علي القطعة الاخيرة ، سارة قالتلي خلاص بقي ياافنان ، انتي هاشتري ولا هتحققي مع البنت ، خودي يلا الفستان وشوفيه علي مقاسك ولا اية ، اخدته ودخلت اوضة البروڤة وعجبني كنت وقفة اتف*ج عليه في المرايا باعجاب وفرحة ، واخدته ودفعت فلوسه، بس وانا بحاسب البنت البياعة طلبت مني طلب غريب ، قالتلي ممكن اعمل مكلمة من تلفونك اطمن ماما عليا لاني هتاخر وصاحب المحل رافض انها تروح قبل ماتخلص شغل ، صعبت عليا واديتها الموبايل وعملت منه المكلمة وشكرتني واخدت منها الموبايل وخرجت مع سارة وروحت وانا مبسوطة وفرحانة ، واول ما دخلت ، كان عمر وصل وكان مضايق عشان اتاخرت بس لما عرف اني اتاخرت عشان كنت بشتري الفستان فرح ولما شافة عليا فرح اكتر بفرحتي به، ولما قالي بس ده شكله غالي اكتر من الفلوس اللي معاكي ، اوعي يا افنان تكوني اخدتي فلوس من باباكي او مامتك، قولتله لا والله علي الفستان كان عليه خ** حتي الفاتورة اهي ، وعدي كام يوم ، وتفاجات وانا في الشغل ، بوصول اد علي الفيس بوك ، ورسالة بتقول وحشتني ، وعايز اشوفك ، استغربت وقولت مين ، رد وقال حبيبك ، وقتها عرفت انه بيعا** ، وقبل ما اعمل بلوك لقيته بعتلي صورة ليا وانا تقريبا شبه عريانة ، وبيهددني وبيقولي انه لازم انفذ طلباته، انا عنيا وسعت من الصدمة الصورة دة وصلت له ازاي ، الصورة واضحة انها بتعتي مش فوتوشب ، قالي انه معاه صور ليا كتير، وانه سهل اوي انه يركب الصور علي اشكال كتير ويبعتها لجوزي، ووقتها بس مش هلوم غير نفسي، لانه هينزل الفيديوهات والصور ده علي النت ووقتها محدش هيصدق اي كلام هقوله، الصدمة شالت تفكيري ، قولتله واية هي طلباتك ، قالي شاطرة نتقابل ونتفق، بس لو عملتي اي حركة غدر هيكون رد فعله وحش، واللي اوله شرط اخر نور، روحت اليوم ده وانا قلقانة، ودماغي مشغوله، ومش عارفة المصيبة ده جاتلي منين، علي لاحظ عليا القلق والتوتر، ولما سالني والح عليا في السؤال اتغصبت وقولتله تعبانة شوية ومصدعة ومش قدرة اتكلم ، وسحبت الغطا علي وشي عشان اهرب منه ومن اسالته، وطلع عليا النهار بصعوبة ، ورحت الصيدلية واتصلت بسارة قولتها تعالي حالا عشان عايزاكي، كان فاضل علي معاد المجرم ده حاولي اربع ساعات، ووصلت سارة اللي اول ماتدخلت وشاف*ني اتخضت وقالت مالك فيكي اية يابنتي خضتيني عليكي ، قولتلها كل اللي حصل، واتصدمت اول ماشافت الصورة ، ولقتها بتقولي اهدي اكيد لها حل، ولقتها اتصلت بخسام اخوها، ظابط في الشرطة وقالتله الحكاية ، واللي في اقل من ربع ساعة كان عندي، حسام شاب محترم جدا اعرفه من ايام ماكنت لسة في ثانوي ، وكان عايز يطلب ايدي بس لما سارة قالتله اني بحب علي احترم رغبتي وانسحب في هدوء ، ومن يومها وهو بيعملني زي سارة بظبط، دخل حسام وقالي مش عايزك تقلقي، انتي هتروحي في معادك ، وانا هبقي جنبك ، احنا لازم نعرف مين الراجل ده والصور ده وصلتله ازاي، واداني سماعة صغيرة وقالي مش عايزك تتوتري اتكلمي اسمعي منه للاخر وانا هتصرف، مسحت دموعي وروحت المعاد، وبداءت اتكلم مع المجرم ده ، واللي اول ماشفته افتكرته ده يبقي صاحب المحل اللي اشتريت منه الفستان، اتكلمت معاه بعصبية ، وقولتله انت عايز مني اية ، قالي اهدي بس كدا واقعدي عشان نتفاهم ، رديت وقولتله انا هود*ك في داهية ، وهبلغ عنك انت بتحط كامبرات في اوضة البروڤة عشان تهدد البنات ، ده قضية ابتزاز ، ضحك ضحكة سخيفة وقالي اثبتي، ولسة مخلصتش كلامي واتفاجات بوجود علي وعنيه ماليانة لوم وقسوة، وقالي مكنتش عمري اصدق انك تكوني رخصية اوي كدا، او انه يوصل بيكي الانحدار الاخلاقي للمستوي ده، قولتله بدموع اسمعني ياعلي ارجوك، لقيته ض*بني بقلم وقالي اسمع اية اكتر من اللي سمعته انتي طالق طالق طالق يا خاينة، هنا ظهر حسام وكان معاه قوة وقبض علي صاحب المحل ووقف عشان يفهم علي الحقيقة ، بس علي برغم اللي سمعه سابني ومشي ، ورحت القسم وهناك اتعمل محضر وص*ر امر بتشميع المحل ومص*رت كل الاجهزة والكاميرات واتقبض علي البنت اللي شغالة فيه ، واتضح انهم عصابة وفاتحين المحل ده ، فخ عشان يبتزوا البنات، والستات اللي بيصورهم، واللي تقع فريسة ليهم يشغلوها معاهم في الحرام واللي ترفض يهددوها بالصور ، وفي اللي تقدر تدفع التمن وفي اللي متقدرش، حسام اتكلم معايا باسف وقالي مش عايزك تزعلي انا بنفسي هروح لعلي واتكلم معاه ، هو كان في وقت غضب واكيد لما يهدي ويستوعب الموقف، هيقدر انك كنتي مجني عليكي ، وانك ضحية لتنظيم عصابي، وارد اوي اي حد يتعرض له، بس انا كان جرحي غويط اوي من علي معقوله من اول ازمة يتخلي عني كدا ، صحيح الناس معادن، والازمات هي بس اللي بتظهر معادن الناس، وعلي كشف عن معدنه الفشنك، الحب لوحده مش كفاية انه يكون اساس لتكون بيت واسرة، الست لازم تحس مع جوزها بالامان بانه يكون ضهرها وحصنها المنيع لما تكون محتاجه يكون هو ملجأه الوحيد ، وده انا محستوش مع علي ، علي **رني في عز ضعفي واتخلي عني رغم احتياجي له ، ورجعت لذكرياتي وانا مش ندمانه، اني مرجعتش لعلي ، حتي بعد ماع لازم يتوفر عنده الامان غصب عني دموعي نزلت وصعبت عليا نفسي وندمت علي حبه له في يوم من الايام ، ومر بيا الوقت وفي يوم اتفاجات، بحسام بيتقدملي ، انا صح محبتش حسام ، بس ده كان ونعمه السند والضهر ، حسام كان داعم ليا ، وحسيت معاه بالامان اللي فقدته مع علي ، ودلوقتي بقي عايزاكم تشركوني الراي وتنصحوني ، انا كنت صح لما رفضت الرجوع لعلي رغم اعترافه بانه غلطان وكان لازم التمس له العذر واديله فرصة تانية، وارتباطي بحسام كان فيه استعجال ولا هو ده الراجل المناسب ، اوقات بيكون البلاء نعمة ، عشان من خلاله بيكشف حقايق مزيفة، ووجه خافية ، بس نصحتي ليكم اوعي تيأس لو تعثرتفي يوم، و لو أقدامك ووقعت بسبب غدر زمانك .. ، او غدر ناس عمرك ما كنت تتوقع منهم الغدر لانه في الحقيقة بيكون بلاء واختبار من ربنا .. وتاكد انك هتخرج منه.. وأنت أكتر تماسكًا وقوة، لأن ببساطة ربنا قال ، ان الله مع الصابرين اذا صابرو، وتاكد ان بداخل كل محنة منحة ،

Free reading for new users

Scan code to download app

App Store Google Play

Facebookexpand_more