Charlie’s POV
“CHARLIE, gising!”
Napapitlag ako nang marinig ang boses ng kaibigan. Sinabayan niya iyon ng yugyog kaya napaangat ako nang tingin na papungas-pungas din.
“N-Nadia.” Isang mata ko na lang muna ang binuksan ko dahil sa hindi ko magawang maimulat. Pati na rin ang ulo ko, biglang sumakit.
“Bakit dito ka natulog?”
Natigilan ako sa tanong ng kaibigan. Tumingin ako sa mesa na may dalawang ladies drinks na nakatayo.
“Sana pumasok ka na lang sana sa loob at doon natulog! Alam mo namang malamok dito,” pagalit niya sa akin.
Iniwan ako ni Nadia kagabi dahil sobrang antok na niya. Saka hindi siya pwedeng magtagal sa labas dahil sa ipinagbubuntis niya.
Isa lamang si Nadia sa mga nangangarap na makaalis sa club na iyon at makapagsimula ng panibagong buhay. Ako lang itong minalas.
