Donna
WALANG tigil sa pag agos ang luha ko habang nasa gitna kami ng byahe ni Reed papunta sa hospital kung nasaan si tatay. Kaya pala ang bigat ng pakiramdam ko kanina paggising ko. Akala ko ay dahil lang pagod ako dahil kagabi. Yun pala ay iba na. Kaya din pala ang tahimik ni Reed habang nag aalmusal kami. Pinatapos nya lang akong mag agahan bago nya sinabi sa akin ang nangyari kay tatay.
"D-Dapat.. dapat ginising mo ko kagabi. Dapat sana kagabi pa ako nasa hospital at binabantayan si tatay.." Humihikbing sabi ko.
Malakas ang kabog ng dibdib ko sa kaba at takot. Ang sabi ni Reed ay hindi pa stable ang lagay ni tatay at ino-obserbahan pa ng mga doctor. Kasalukuyan itong nasa ICU ngayon at hindi pa nagigising. Natatakot akong mawala si tatay sa akin. Hindi ko kakayanin.
"Tahan na D
