Agad akong naupo sa malaking bato at naghintay sa mga gagawin ng mga kasamahan kong detective. Napansin kong nakatingin sila sa amin ni Yome dahil dalawa lang kami. May nag-iisip na baka panghuling team na lang kami kasi dalawa lang kami ni Yome at walang laban sa maraming team. Ngunit wala akong paki sa mga sasabihin nila.
Mariin kong ipinikit ang aking mga mata upang alisin ang pagkainip na aking nararamdaman. Naghintay na lamang nang tawag kung lalaban na ba kami ni Yome.
“Ang gagaling nilang makipaglaban,” narinig kong anas ni Yome.
“Ayos lang kung lilipat ka sa kanila, wala namang problema sa akin,” anas ko sa babae.
“Hindi ako lilipat sa kanila, nakikita ko lang na magaling sila. Sana kayanin natin sila Ms. Paula. Para kasing ang unfair, dalawa lang tayo tapos ang ibang team
