Sa kalagitnaan ng ingay at sigawan sa loob ng maliit na arena kung saan ginaganap ang isang friendly competition event, nakaupo si Julian sa VIP section. Tulad ng dati, seryoso ang kanyang ekspresyon, hindi nagpapakita ng kahit anong emosyon. Ang focus niya ay nasa laro, pinapanood ang kanyang mga players habang buong tapang na humaharap sa kalabang team. Ngunit sa likod ng kanyang malamig na mukha, tahimik niyang sinusuri ang bawat galaw ng kanyang team.
Sa kabilang banda, naroon si Monique sa audience section, hindi alintana ang dami ng tao. Halos tumayo na siya sa kanyang upuan, todo ang cheer para sa CK Club. Sa bawat galaw ng mga players, sumisigaw siya ng encouragement. Pero kakaiba ang sigasig niya tuwing maganda ang plays ng CK Club, at higit sa lahat, tuwing napapansin niyang sin
