JADE'S POVS
Off ko ngayon sa trabaho kaya naisipan kong bumalik sa apartment unit ko. Wala na doon si Lauren kaya malaya na ulit akong makakabalik doon-- napahinto ako sa paglalakad ko palapit sa pintuan ng unit ko't napasapo sa noo ng maalala kong wala pala akong susi dahil binigay ko ito kay Lauren nung umuwi siya dito at matapos kong pumunta dito nung nakaraang araw ay hindi na ulit kami nagkita.
Ang husay mo talaga Jade!
Agad kong tinawagan si Kide para sabihing pumunta sa akin at dalhin ang spare key ng apartment unit kong nasa kabinet ko lang. Ibinalik sa akin ni Lauren ang susing gamit niya noon dito kaya tinago ko lang ito't hindi nilalabas-- ngayon pa lang.
Naglakad lakad lang muna ako sa floor ng building habang hinihintay si Kide. Hindi naman kasi ako makakahingi ng tulong s
