LAUREN'S POVS
Hindi ko na nagawang itanong kay Jade Joshua ang tungkol kay Jackie dahil baka pag-awayan lang namin iyon na ayoko naman mangyari.
Alam ko namang gusto niya ang babaeng iyon pero sana ay hindi niya ako lokohin.
"Anong oras ka uuwi mamaya?" Tanong ko kay Jade Joshua na nagsasapatos at naghahanda na sa pagpasok.
"Depende sa dami kung magkakaroon kami ng problema sa system," tugon niya saka tumayo.
"Wag ka masyadong magpagabi. Baka uminom lang kayo ulit eh," matabang kong sabi. Tinaasan niya ako ng isang kilay.
"Nagkasiyahan lang naman kami babe," tugon niya sa akin. "Itetext kita mamaya. Aalis na ako."
"Sige, mag-ingat ka." Mabilis ko siyang hinalkan sa labi niya saka siya nginitian.
Pagkaalis niya. Napabuntong hininga ako. Iba talaga ang pakiramdam ko. May maling nangy
