THISA IRENE
Nakaupo ako ngayon sa kama at malayo ako sa asawa ko. Feeling ko ay pilit lang niyang pinipigilan ang galit na nararamdaman niya sa akin ngayon. Kanina pa kasi ako naghahanap pero hindi ko makita ang susi. Pinatigil na niya ako dahil nahihilo na raw siya sa kakatingin sa akin.
Hindi rin naman kasi ako mapakali kapag hindi ko nahanap. Nahirapan pa nga akong itulak ang kama para lang hanapin sa ilalim at baka nandoon lang. Pero wala naman akong nakita.
“Matulog ka na, love,” sabi niya sa akin at seryoso ang mukha niya.
“Paano naman ako makakatulog nito? Paano ka?” tanong ko sa kanya.
“Wala naman akong magagawa. Matutulog na lang ako ng ganito,” sabi niya sa akin kaya napalabi na lang ako.
Sana talaga ay hindi ko na ginawa. Paano ba naman kasi gusto ko rin gayahin ang mga n
