THISA IRENE
Masayang natapos ang dinner naming dalawa ng asawa ko. Hindi muna agad kami umuwi dahil naglakad-lakad muna kami habang hawak namin ang kamay ng isa’t isa. Gusto talaga naming sulutin ang mga oras na magkasama kami dito. Hindi kasi namin alam kung kailan ulit kami makakabalik dito. Masaya ako na siya ang kasama ko ngayon. Ang bilis talaga ng mga pangyayari sa buhay ko.
“Love, sure ka na talaga na sasama ka sa akin?” nakangiti na tanong niya sa akin.
“Opo, sasama na talaga ako sa pag-uwi mo. Naisip ko kasi na ano naman kaya ang gagawin ko sa apartment ko kapag ako lang mag-isa doon. Kaya sasama na lang ako sa ‘yo. Naisip ko rin kasi na matanda na ang parents ko para magtampo ako sa kanila,” nakangiti na sagot ko sa kanya.
“Sure ako na matutuwa ang mommy mo kapag umuwi ka na,
