Sa loob ng nagdaang linggo ay gano'n palagi ang naging routine ko. Papasok sa trabaho tuwing umaga at uuwi naman sa bahay tuwing gabi. Halos magkasama rin kami parati ni Elton. Mula sa paghatid-sundo niya sa akin sa trabaho at maging sa breakfast, lunch at dinner ay sabay kami. Madalas ay sa kotse kami kumakain ng breakfast, tuwing lunch naman ay pumupunta siya sa restaurant ko para kumain na sinasabayan ko naman dahil minsan ay mag-isa lang siya at tuwing dinner naman ay buong pamilya kami na magkakasamang kumain sa hapag kainan.
Hanggang sa isang araw ay naisipan ko na dalhan siya ng pagkain sa opisina niya sa kumpanya na pagmamay-ari niya. Sinabihan niya kasi ako kaninang umaga nang ihatid niya ako na hindi siya makakapunta sa restaurant para mag-lunch dahil sa dami ng aasikasuhin niya
