"KAMI na dito, Audrey. Maupo ka na lang."
Napatigil si Alyssa sa akmang pagtulong kina Tita Dana nang inihahanda ng mga ito ang pagkaing dala sa mesa. Kahit kasi nakasaklay si Alyssa ay pilit niyang tumutulong dahil nahihiya naman siyang walang ginagawa at nanunuod lang.
Mayamaya ay napatingin siya sa kanyang gilid nang may humawak sa braso niya. At kahit na hindi siya sumulyap sa kanyang gilid ay alam niya kung sino ang humawak sa kanya. Sa pamilyar na init ng palad pa lang nito ay kilala na niya. Lalo na ang mamahaling pabango nito na nanunuot sa kanyang ilong.
Alam niyang si Franco iyon.
"Just let them be, Audrey," wika nito sa kanya. Pagkatapos niyon ay inalalayan siya nito na maupo na sa harap ng mesa. At saktong pagkaupo niya ay ang nakarinig sila ng doorbell.
"It must be th
