HUMIGPIT ang pagkakahawak ni Alyssa sa braso ni Franco nang pumasok silang dalawa sa bulwagan kung saan gaganapin ang party na pinuntahan. Bigla kasi siyang nakaramdam ng kaba nang makita niya ang mga bisita. Hindi niya kilala ang mga ito pero sa tingin niya ay hindi basta-basta ang mga bisitang dumalo sa nasabing party.
At mukhang naramdaman iyon ni Franco dahil tumigil ito sa paglalakad at sumulyap ito sa kanya.
Sumulyap nga din siya dito at pansin agad niya ang pagsasalubong ng mga kilay nito. Nginitian lang naman niya si Franco para sabihin na okay lang siya kahit na kinakabahan.
Saglit itong tumitig sa kanya hanggang sa nagpatuloy sila sa paglalakad. Pinagdikit ni Alyssa ang ibabang labi nang maramdaman niya ang ilang bisitang napapalingon sa kanilang dereksiyon. At napansin din
