طفله حطمت حصونه

البارت 2

في احدي البيوت في المناطق الشعبيه تكون ريماس نايمه في اوضتها وهي حاضنه مخدتها وفجاه نور الاوضه ينور وتبقي كلها نور

ريماس ب**ل:ياماما اطفي النور عايزه انام

ساميه:كفايه **ل وقومي مش عندك محاضرات قووومي

ريماس بتحط المخده علي راسها عشان تحجب النور:ايوه بس مش دلوقتي

امال شدتها:لادلوقتي قومي انتي محضرتك ساعه 11 ودلوقتي 10 قومي يالا

ريماس شالت المخده:بجد

امال:ايوه قومي يالا عقبال مااجهزلك الفطار

ريماس قامت وكانت مضايقه وجهزت وخرجت وفضلت واقفه متنحه

امال :يالا الاكل جهز

ريماس:الساعه 8

امال :اه منا عارفه

ريماس تنحت:عارفه ومصحياني بادري ليه انا عايزه انام

امال اخدتها للاكل:عشان تاكلي ونرغي مع بعض شويه نمت امبارح وسيبتك

ريماس بضيق:نرغي اي ياماما بس

امال اكلتها في بوقها...احكيلي دخلتي تصحيني ليه اما رجعتي من كليه

ريماس عنيها لمعت بسعاده: عارفه شوفت مين امبارح

امال:مين

ريماس:زين الحديدي

امال:مش دا رجل الاعمال اللي مش هتججني بيه

ريماس ضحكت:ايوه

امال:وشوفتيه فين امبارح

ريماس:جيه الجامعه كان جاي في ندوه وقامت وقفت وابتدت تقلد كل حركاته وطريقته في كلام....واي بقي ياماما عاقل اووي وبيكلم بهدوء وثقه بالنفس رهيبه وعنده كاريزما كدا مش طبيعيه وبنات جامعه كلهم كانو هيتتجننو بيه ولاكم الحرس اللي وراه ولااكنه رئيس الوزراء وعربيات ايه بقي تحسي كانه خارج من فيلم اجنبي

امال:دا انتي اتجننتي اكتر

ريماس ضحكت:أنالحد دلوقتي مش مصدقه اني شوفته وفضلت تكمل كلامها عنه وعن فرحتها بمقابلته وبعد كدا نزلت عشان تروح الجامعه كانت لين مستنيها واول ماشفتها

لين: ريبونزززززل

ريماس بتعجب من صوتها العالي ..... في ايه خضتيني في اي

لين حضانتها: هههههه تعيشي وتاخدي غيرها ياموزتي عندي ليكي خبر هيخليكي تطيري من الفرحه

ريماس:خيييير

لين:اتحيلي عليا شويه

ريماس:خلاص مش عايزه اعرف

لين:خلاص ماتبقيش قفوشه كدا....وطلعت موبايلها....غمضي عنيكي

ريماس:يوووه بقي انجزي

لين:ياباي عليكي فتحت الموبايل وورته ليها....مين دي

ريماس بصدمه:دا اسمي في ايه

لين: هقرائلك ياقلبي تتشرف كليه هندسه جامعه عين شمس بالتعاقد مع رجل الاعمال زين الحديد علي تدريب طلبه وخارجين كليه الهندسه وان تكون الطلبه من اوئل الدفعات وهؤلاء طلبه عليهم تجهيز cvالخاص بهم والتوجه اللي مقر شركه الحديدي للمقاولات ومن اسماء الطلاب الطلاب المهندسه ريماس والمهندسه لين يعني هتدربي في شركته ياقطه وهتشوفيه كل يوم

ريماس بصتلها وتنحت:انتي بتتكلمي بجد

لين:اهو شوفي اسمك دا ولامش اسمك.

ريماس بسعاده:انا مبسوطه اوي يالين اني هدرب في شركه الحديدي

لين:الله يسهلو يابا

ريماس: انا فرحانه اوي اني هشتغل في المؤسسه دي واخير هقدر احقق حلمي

لين غمزتلها: مؤسسه باردو ماشي هعديهالك وابتسمت ليها بحب ان شااءالله ياقمر تحققي كل اللي بتتمنيه

ريماس كملت يومها في جامعه واما خلصت رجعت بيتها وداخله تنده علي مامتها بصوت عالي

ساميه خرجت من المطبخ:في ايه ياريماس عامله دوشه كدا ليه

ريماس:باركيلي باركيلي

ساميه:في ايه يابنتي

ريماس:هشتغل مع زين الحديد

ساميه بتعجب:اذاي

ريماس حكتلها الكلام وكانت سعيده جداا

ساميه:طيب ودراستك

ريماس:ماتقلقيش هعرف اظبط كل حاجه

عدي يومين من غير اي احداث

رانيا: زين بيه الطلبه موجودين ف الميتنج روم

زين: احم تمام يارانيا انا جاي

زين قام من علي مكتبه وبياخد نفس طويل عشان يهدي ووصل للاوضه المتجمعين فيها وقبل مايفتح الباب ا تمني تكون من ضمنهم وقلبه بيدق جامد جدااا

زين: اهلابيكو ف شركه الحديدي واتمني تستفادو كويس من المده اللي هتقضوها هنا

زين كان بيكلم وبيدور بعينه عليها واول اما شافها قلبه دق لدرجه ان حس ان كل اللي حوليه سامعين صوته

زين: طبعا كل فرقه هيبقي ليها تدريب خاص بيها علي حسب وصلت لفين والمطلوب منكو حاليا انكو تقدمو افكار جديده عشان الكمبوند اللي بيتم انشاءه حاليا تمام قدامكو اسبوع وطبعا كل واحد فيكو هيدي الافكار للمدرب بتاعه بحيث انه يرتبها كل حاجه تمام في اي سوال

......

عدي الاسبوع وزين بيحاول يراقبها وف بحزر عشان محدش ياخد باله ان زين الحديدي في طفله شغله نفسه يعرف عنها كل حاجه بس كبريائه منعه بيحاول بقدر الامكان انه يسيطر علي مشاعره مايمشيش وراها

زين: جمعيلي الطلبه والمدربين بتعوهم

بعد مده الكل اتجمع

وزين لاحظ ملامح الفرح علي عيون ريماس وكان فرحان انها مبسوطه

زين: دلوقتي كل ليدر يقوم يشرح فكره عامه عن الفايل اللي معاه وبعد كدا هيبقي دور كل مهندس منكم اتفضلو

وفعلا ابتدا كل مدرب يقوم يقول افكارو ويوضح افكار الطلبه وهم قدمو اي لحد ماجيه دور لميا مدربه ريماس

قامت لميا وابتدت تقول الافكار وكانت صدمه انها نسبت افكار ريماس ليها

ريماس حست ان مجهودها ضاع وان تعبها راح وابتدت الدموع تتجمع ف عينها وتعيط

لين خدت بالها لان ريماس كانت حكيلها عن الت**يمات دي.....وقامت مره واحده تزعق....اي دا انتي اذاي كدا اذاي تاخدي مجهود حد غيرك وتنسبيه لنفسك

الكل انتبه ليها

زين: في اي يابشمهندسه مجهود اي ومجهود مين اللي بتكلمي عليه وقطع كلامه ان لمح ريماس وهي منهاره من العياط

لميا: نتي اتجننتي انتي مش عارفه انا مين ولااي اذاي تكلمي معايا كدا

لين: لا والله معرفش بس اللي عرفه انك سرقتي مجهود صاحبتي

زين.: مممكن افهم في اي واتكلمي بوضوح يانسه

لميا بتحاول تغلوش

زين: اسكتي يالميا ....اتفضلي فهميني في اي

لين: حضرتك الافكار دي افكار ريماس صاحبتي هي حكتلي عليها امبارح يبقي اذاي انهارده تبقي افكار الاستاذه وورتني الرسومات كمان بتاعتها

زين.: اممممم وفين صاحبتك بقي دي وهي مادفعش عن نفسها لي

لين:اهي قومي ياريماس اتكلمي

زين: انتي صاحبتها

ريماس: اااايووه

زين: الافكار دي بتعتك ذي ماصحبتك بتقول

ريماس بتعيط وبتهز راسها باه

زين مش قادر يشوف دموعها اكتر من كدا ونفسه يطربق الاوضه علي دماغ لميا لان هي سبب ف دموعها دي

زين: كفايه عياط يانسه اتفضلي اكلمي

ريماس مسحت وشها.: هي فعلا فكرتي وانا ادتها الفايل قبل الاجتماع وفي كل التفاصيل

زين: مممم طب اهدي وقوليلي الافكار بتاعتك

لميا لسه هتقطعه لكن قطعها زين....قولتك اسكتي وحسابك هيبقي معايا انا

ريماس انا فكرت انه الكمبوند يكون مختلف بحيث ان يكون البوابه بتاعته عباره عن شكل معبر عن الحضاره الفرعونيه ويكون علي شكل تاج بحيث ان نثبت ان مصر هي الملكه لكن الكمبوند العمرات اللي هتكون فيه هتبقي علي اساس الحضارات من مختلف البلاد بحيث ان جبنا اغلب دول العالم في مكان واحد وكلهم ف مصر

زين عجبته الفكره جدا لانها جديده ومختلفه وفهم انها فكرتها هي وان لميا فعلا سرقتها منها

زين: تفضلو الكل علي مكتبو وانتي لميا حسابك معايا

بعدين ...ريماس استني

ريماس: نعم

زين: متزعليش وفعلا فكرتك كانت افضل فكره من الافكار اللي اتقدمت وانا هنفزها

ريماس بفرحه: بجد يعني حضرتك هتنفذ الفكره بتاعتي كلها

زين: اها طبعا يالا علي شغلك بقي

خرجت ريماس وهي فرحانه ان تعبها مرحش بل كمان الكمبوند تنفيذه هيبقي علي فكرتها

زين: رانيا ابعتيلي حسام

بعد دقايق وصل حسام

حسام ...خير يازين بيه

زين ....عايز الcvبتاع ريماس

حسام ...احم اشمعنا يعني

زين....وانت مالك نفذ وبس يالا

حسام...تحت امرك ثواني وهيكون عندك

ياتري زين عايزاي من الملف بتاعها وناوي علي اي

ولميا ياتري هتسكت ولاهتنتقم من ريماس علي اللي عملته