"He's Mico, an additional to our security team," malamig na sagot ni Sir Coco sa dalaw. "And Mico, they're my younger sisters, Kimmy and Layla."
Napakurap-kurap ako dahil parang pamilyar iyong pangalan ng mga ito. Hindi ko alam kung sino ang nagbigay ng pangalan sa kanilang magkakapatid pero may kung anong nakakaaliw sa mga ito.
"Hello po, Miss Layla and Miss Kimmy," pormal kong bati sa mga ito.
"Hi!" panabay na tugon ng mga ito at sabay ring ngumiti sa'kin.
Kahit straight akong babae ay napatunganga ako sa tila nagliliwanag na mukha ng mga ito habang nakangiti. Ang gandang lahi talaga ng mga Carson, mapababae man o lalaki.
Isang malakas na tikhim ang gumising sa saglit kong pagkahipnotismo sa dalawang kaharap.
Pakiramdam ko ay biglang nanayo ang mga balahibo ko sa batok nang maki
