Parang nakalutang ang mga paa ko nang humakbang ako pasunod kay Gon na alertong sumunod sa naunang si Sir Coco. Ramdam ko ang panginginig ng mga binti ko pero binalewala ko iyon dahil kailangan kong makaalis sa lugar na ito.
Diretso lang ang paningin ko sa likod ni Gon at sinadyang huwag tumingin sa mga kalalakihang patuloy pa ring nagmamakaawa para sa kanilang mga buhay.
Pakiramdam ko ay lumubo ang ulo ko nang malanghap ko ang amoy ng dugo. Parang hinalukay ang sikmura ko, hindi lang dahil samu't saring emosyong nararamdaman ko kundi dahil mismo sa amoy ng dugo.
Bago pa man kami nakalabas ng silid ay narinig ko pa ang ilang putok ng baril. Hindi ko na nagawa pang pumiksi o magulat dahil abala ako sa pagpapakalma sa sarili ko.
Konti na lang at makakalabas na ako ng sinumpang silid a
