Pagkatapos kong pumirma ay tumango siya. “Thank you, ma’am.”
Pagkaalis niya ay sinara ko ang pinto at sandaling tumayo lang sa gitna ng sala habang hawak ang sobre. May kakaibang kaba sa dibdib ko.
Dahan–dahan kong binuksan ang envelope. May ilang dokumento sa loob. Kinuha ko ang unang papel at nagsimulang basahin.
Halos manginig ang kamay ko habang tumatakbo ang mga mata ko sa mga linya ng dokumento.
Hanggang sa makarating ako sa bahagi na nagpahinto sa paghinga ko. Napatakip ako ng bibig.
“…the marriage between Hailey Sophia Medrano and Brayden Jaydrian Madrigal is hereby declared null and void…”
Parang biglang naging tahimik ang buong condo. Hindi ko namalayan na napaupo ako sa sofa. Ganoon kabilis ang lahat. Unti–unti akong napangiti nang mapait habang nakatitig sa papel.
“Offic
