Lumapit siya agad sa kambal at hinaplos ang buhok ng mga ito. “Hey, easy lang kayo. Hindi kayo hinahabol,” sabi niya na may halong tawa pero may konting pag–aalala sa tono.
“Mommy!” sabay sigaw ng dalawa habang kumakapit sa kanya, halatang excited pa rin sa kung anong nakita nila.
“Anong nangyari?” tanong niya habang inaabot ang resibo at inaasikaso ang mga pinamili. Hindi na nakapagsalita agad si Elle dahil hinihingal pa kaya si Ezi ang sumagot, sabay turo pabalik sa loob ng grocery.
“Mommy, may lalaki… same eyes like us,” sabi nito na parang proud, tapos tumingin pa sa kapatid niya para kumpirmahin.
Agad namang tumango si Elle, malaki ang ngiti. “Yes mommy, blue din! Like ocean!” dagdag pa nito sabay tawa.
Napatingin si Hailey sa dalawa, sandaling natigilan. May kung anong dumaan
