Napahinto ako sa pagpupunas. “Ha? Sino?”
“Anak ng kaibigan ko. Mabait, responsible, stable ang trabaho. Galing abroad. Single.”
“Mommy…” napailing ako. “Hindi ako ready. Sobrang busy ko talaga.”
“Hindi masamang mag-entertain,” sagot niya. “Hindi habang buhay trabaho lang.”
“I know,” sabi ko, pinipilit maging normal ang tono. “Pero right now, business muna. Promise, wala akong lovelife.”
Pinagmasdan niya ako ng ilang segundo, parang may hinahanap sa mukha ko. “Okay,” sabi niya sa huli. “Pero kapag meron, sabihin mo agad sa amin. Ayokong sa iba ko pa malaman.”
Nanikip ang dibdib ko at mahina akong napangiti. “Oo naman,” sagot ko, pilit kalmado ang boses. “Kayo agad.”
At habang ipinapatong ko ang huling plato sa lalagyan, hindi ko maiwasang isipin. Kung gaano kahirap panatilihin ang is
