Tumaas ang kilay ni Mara. “Talaga?”
Tumango ako. “At binigay ko na sa kanya ang pampa-swerte niya.”
Napatitig sa akin si Mara nang may halong pagtataka. Pero hindi na ako nagpaliwanag pa. Tahimik na lang akong umupo habang nakatingin sa stage.
Sa loob ng ilang minuto. Lalabas na siya. My husband. The man everyone came here to see.
ILANG sandali pa ang lumipas habang nakaupo kami ni Mara sa VIP section. Palakas nang palakas ang ingay sa loob ng arena. Halos lahat ng tao nakatayo na, may kumakaway ng light sticks, may sumisigaw ng pangalan ni Brayden kahit hindi pa nagsisimula ang show.
Napatingin ako sa entrance ng VIP row nang biglang may pumasok doon. Dumating na sila.
Una kong nakita si Tita Kassandra. Elegant pa rin itong tingnan kahit simple lang ang suot. Kasunod niya sina Bea a
