Ramdam ko pa rin ang mga mata ni Kath na nakatutok sa akin, nanghahamon. Hindi siya kumikibo. Nakatingin lang siya sa baso ng iced tea sa harap ko na parang may hinihintay.
Sa gilid ng paningin ko, napansin ko ring napahinto sa usapan ang dalawa niyang kaibigan. Hindi sila halatang nakatingin sa akin, pero ramdam kong nakikiramdam sila.
Ayaw kong patagalin pa. Kung hindi ako iinom, lalo lang lalala ang eksena. Baka isipin pa ng lahat na may problema o may tinatago ako o pa importante ako.
Ice tea lang naman.
It can’t harm my unborn child.
Hinawakan ko ang baso. Malamig iyon sa kamay ko dahil sa condensation na kumakapit sa salamin. Saglit kong inangat iyon bago ko inilapit sa labi ko.
Tahimik ang mesa sa pagitan namin. Naririnig ko ang tugtog sa paligid, ang tawanan ng ibang grupo sa
