Franchesca's POV
"Hindi ko nga rin alam kung bakit umuwi si Ma'am Olga! Dahil ang alam ko ay sa ibang bansa na sila naninirahan ni Sir Conrado!"
Maaga akong nagising. Sinilip ko kaagad si Joshua ngunit tulog pa siya kaya nagpasya akong bumaba na para makatulong sa iba at ito agad ang nabungaran ko. Nag uusap sina Manay Lorna at Kurdapya na sa tingin ko ang tinutukoy nila ay ang Mommy ni Lorenzo. Olga pala ang pangalan niya. Ngayon ko lang din nalaman.
"Ang natatandaan ko. Huling umuwi si Ma'am ay kasal pa ni Seniorito Lorenzo." boses iyon ni Kurdapya. Dumiretso ako sa refrigerator. Kinuha ko ang pitchel na may laman na tubig. Dinala ko sa mesa at kumuha ako ng baso. Nagsalin ako ng tubig sa baso at ininom na kunwari ay hindi ko sila naririnig.
"Oh baka naman uuwi na si Ma'am Irish?" an
