Lumipas ang mga araw, naging buwan hanggang sa naging taon nang hindi umuwi si Grant. Binisita na lang ito nina Tito Gener sa America at ang break nito sa eskwela ay iginugol sa bakasyon sa mga bansa sa Europe kasama ng pamilya.
Nakita niya iyon sa mga pictures na p-in-ost nito sa social media. Ang sayang tingnan ng mag-anak na del Blanco sa mga larawan. Sa kagustuhan niyang masubaybayan ang mga ganap sa buhay ni Grant ay sinadya niyang gumawa ng sriling account gaya ng suhestiyon nito. Sa ICT class nila siya pasimpleng nag-sign up. Mula noon ay naging silent stalker na siya nito. Ini-stalk niya, bawat pagkakataon na meron siya, kung ano na ang mga nangyayari sa buhay nito. Buti na lang at may piling mga photos na naka-public. Mostly, family pictures, walang solo si Grant. Matipid ito sa
