“Becca, ano ka ba? Bakit ikaw ang nagbubuhat ng mga ‘yan?”
Pansamantalang inihinto ni Rebecca ang paglilipat ng mga maliliit na plastic pots mula sa lupa patungo sa ibabaw ng estante sa gilid ng pader.
“Kaya ko naman, Ma'am, eh. Humaharang kasi itong mga paso, makakaabala sa mga karpintero bukas.”
“Oo, kaya mo pero masama sa kalagayan mo. Isa pa, trabaho na ‘yan nina Oscar at ng mga laborer.” Inagaw ni Mrs. Santos ang kahuli-hulihang paso at pinaupo siya sa isang sulok. Ang bait talaga ni Mrs. Santos, walang kupas, mula noong naging adviser ito hanggang ngayon. “Dapat ay nagpapahinga ka lang. Hindi kita kinupkop dito para alilain. Baka mapa’no pa ‘yang baby mo.”
Nahaplos niya ang umbok ng kanyang tiyan. The baby seemed fine. Ramdam niya. Salamat kay Misis Santos. Noong umalis siya sa b
