Ang alam ko lang, kanina okay pa ako. Kaya ko pang sumabay sa usapan. Pero habang tumatagal ang gabi, mas dumadami ang laman ng baso ko at mas umiinit ang pakiramdam ko. Epekto na ‘to ng alak.
At ngayon, ramdam kong medyo hilo na talaga ako. Tapos parang gumagalaw ang tingin ko.
“Gen, okay ka lang?” tanong ni Jessa habang nakatingin sa akin.
Umayos ako ng upo at pilit na ngumiti.
“Of course. Perfectly fine.” Sagot ko habang nakangiti.
“Sinong niloko mo?” natatawang sabi ni Miya. Pati rin pala siya tumama na ang alak.
“Okay lang ako, I got this!” sabi ko sa kanila.
Akmang kukunin ko na ang baso ko pero naunahan ako ng mabilis na kamay. Nilayo agad ni Allen ang baso ko.
“Akin ‘yan!” agaw ko pero mas lalo niyang nilayo ang baso ko.
“I think you’ve have enough.” Sabi niya at nakita
