Nang magising si marigold ay nakita n'yang nasa ibang silid s'ya. Naalala niya ang nangyari bago mawalan ng malay. Luminga-linga s'ya sa paligid. "Kung nasaan man'g lugar ako ngayon, mas mainam na dito kaysa sa office ni Mr. Atanante." Wika n'ya sa sarili. Dahan-dahan siyang bumangon.
Nang iginala niya ang paningin ay nagtaka s'ya kung bakit may mga gamit pang-hospital s'yang nakikita. Saka lang din n'ya napansin na hospital bed ang hinigaan n'ya. 'Nasaan ba ako? Ano ba'ng klaseng silid ito?' pagtataka niya sa sarili. Nang biglang may pumasok na doktor na may dala-dalang clipboard ay doon n'ya natiyak na nasa hospital s'ya. Muling iginala ni marigold ang paningin. 'Anong klaseng hospital ito? Bakit parang nasa VIP suite ako?'
"Kamusta ang pakiramdam mo?" Nakangiting tanong ng doktor.
