RAVEN'S POV
Ginagamot ko ngayon ang mga sugat at pasa ni Serene dahil sa naging away nila ng pinsan ni Austin na si Cyndi. Naiintindihan ko naman kung bakit nagawa nila Ailah na saktan ang pinsan ni Austin pero hindi pa rin tama na nakipag-away sila ng basta-basta. Dapat ay kinausap na lang namin si Cyndi nang maayos para hindi na umabot sa puntong nagkasakitan sila.
"Dapat kasi hindi niyo na pinatulan pa 'yung pinsan ni Austin. Sa huli ay kayo rin ang nagkasakitan." Sermon ko kay Serene habang nilalagyan ng bulak na may betadine ang mga sugat at kalmot niya sa braso.
Ngumuso siya at bumuntong-hininga. "Eh kasi naman, alam mo namang hindi ako palaaway na tao 'di ba? Pero hindi ko na talaga napigilan ang sarili ko kanina na sampalin ang Cyndi na 'yon. Bakit kailangan niyang manira ng isa
