“Patimpla nga ng kape, Uella. Iyon sanang mainit at talagang mapapaso ang dila ko,” hiling ni Kanor kay Uella na naabutan niya na mag isa na lang sa bahay at wala na ang tatay nitong si Ipe.
“Sandali lang po, Mang Kanor. Nagpapainit pa ho ako ng tubig,” sagot naman ng dalagang bulag na kakapa-kapa sa mga kasangkapan.
Kahit sinong nakakapanuod kung paano kumilos sa mga gawaing bahay si Uella ay talaganga hahangaan dahil nga sa kabila ng kawalan nito ng paningin ay nagagampanan ang mga dapat gawin gaya na nga lang ng pagpapaapoy ng kalang de kahoy kung saan ito nagluluto.
“Nasaan ba ang tatay mo at aga naman yatang lumusong sa bukid?” tanong ni Kanor.
“Nasa labas po siya ng rancho. May mga binili lang po, Mang Kanor,” tugon ni Uella na nagsalang na nga ng mauling na takuri kung saan siya
