أنثى في معتقل الخطيئة

هروب وسند

انثى في معتقل الخطيئة

بارت 15

نورا ناصر

صفق لمن علمك القسوة ،ثم إ**عه بقوة .. ليعلم انك تعلمت.

إيآكَ و آلعبثَ بقلوبٍ منحتكَ نبضَهــآ .. فـ موجوعُ آلقلبِ دعآؤه قدْ يُهلكك منْ حيث لآ تدري

قياد ... بالليل جنت كاعد بغرفتي احس عقلي متروس افكار مخربطه اول شي فكرت بي هي ورده وشلون راح تتقبل الخبر ... اذا وصللها خفت على قلبها المريض خاف تتأذى اذا سمعت

بعدهه زمن وشون راح تصير الي زوجه اني ابن الشيخ كريم .. اتزوج وحده مثل هاي جانت عايشة بمكان قذر ظليت استغفر شوصلني لهاي الحالة ياربي

اندگت الباب فتحتها .. شفت مرت ابوي هيله ووياهه زمن لابسه عبايه ..

هيله .. يلا يمه غياد هاي زمن جاهزه و ابوك يكول جيب عروستك وتعال للديوان السيد هناك ينتظرك ..

قياد هزيت راسي بحزن وحاولتها .. ماشي يمه .. راحت مرت ابوي وبقت يمي زمن خزرتها كرهتها اريد بس اطلع الحجه عليها واصب غضبي ...

گتلها شنو هاي تردين تطلعين كدام الزلم هيجي مكشفه وجهج يله ولي غطي جهرتج

راحت تركض وثواني جتي مخليه غشاوه على وجهه .. اخذتها من ايدها قوي حسيت راح تت**ر ايدها بيدي ..

همستلي متوجعة اخخ قياد شبيك دتوجعني ايدي عفية مو هيج

گتلها تعودي منا وهيج على هالشي خووش وبدون تذمر .. والي يجي من ايده الله يزيده

طبينه عقدنا وزاد كرهي الها ..

_________

مازن .. اخذت ابوي ورحت لبيت عمي صالح بعد ماطلعنا من عقد قياد دخلنه سلمنه عليهم وطلبنا ورده راح ابوها يصيح الها ..

ورده ... دخل ابوي عليه جنت بالغرفه انه كاعدة

كال مازن وعمي عساف يردونج ماقبلت اطلع اله كتله تعبانه ابوي يدري بيه تعبانه هالفتره ماضغط عليه وطلع

مازن ... طب عمي صالح وكال تعبانه ونايمه خلوها على راحتها غير وكت انه اجيبها الكم ..

گتله لا عمي هيه حجايتين واريد اكولها الها خليني اروح الها للغرفه واحاجيهه اظن من حقي

صالح .. يمعود مازن البنيه تعبانه وانت تعرف بمرضها

مازن .. عمي شراح اسويلها انه .. ماتكلي احاجيها اريد احط حد موتعبت انه هاي راح تصير سنه وانه خاطبها ..

صالح.. حقك روح ذيج غرفتها انت تندلها ..

مازن .. صعدت لغرفتها دكيت الباب كالت تفضل يابه

دخلت عليها جفلت كالت ها مازن خير

متوترة وتعدل بملابسها

گتلها شوفي ورده توني جاي من عقد قران قياد

والخميس يتزوج .. تريدين نتزوج هالاسبوع نتزوج ماتردين راح انهي عليج وتبقين معلكه والامر كله بيدي طول عمرج ماتتزوجين بعد مفهووم وطلعت

رحت لابوي كتله يله يابه خلصنا بعد ماعدنا شي ..

ورده .. ماصدكت قياد خطب ابد امي وابوي منعوني من البلكون .. اطلع عليها .. خليتهم ينامون واحس تعبت ودكيت القياد ... طلعلي .. گتله مب**ك عود

قياد .. دتعاتبيني مو .. مية مره كتلج خ**يها ويا مازن مقبلتي بقيت مترددة ماتدرين شسوا اجه الهنا ووشه عليه عند ابوي وصارت مشكله مالها تالي لاتلوميني وزواجي انجبرت صارت عليه ضغوط وانت هم مخطوبه لذلك مااستحق منج العتاب

ورده .. جايه اباركلك ماجايه اعاتب .. منو سعيدة الحظ ..

قياد .. زمن

ورده ..زمن هايه زمننن وشمعنى زمن

قياد .. سالفه طويله وصارت لتهتمين الها ..

ورده .. شوون مااهتم اعتبرتها صديقتي دخلتها بيتنا وغرفتي كالت يحبج والله كالت هيج جانت موو طبيعية اي اي مو طبيعية

قياد انت تحبها

قياد .. ماحبيت ولااراح احب وحده بكد ماحبيتج

ورده .. المهم مب**ك .. ونزلت عنه ..

قياد ... طبيت للبيت صارت كبالي زمن واكفه كبالي

وكانها سمعت حجينه. . اني رحت الها لزمتها من شعرها وصرت افر براسها .. ولجج ماتتوبين تربية سززز بعدج تتسمعين النا

زمن .. صرت اجر بيده اكوله حتموتني لك عوفني

قياد .. اشووووفج الموت ومااموتج امشي وياي الغرفتي .. دخلتها بغرفتي شمرتها على السرير وسحبت الحزام ..وهاي ورده عرفت راح اتزوج وانت راح تتعاقبين ض*بتها ض*بتين تلاثه وترددت اض*بها اكثر ..

زمن ... يض*بني وبكل ض*به اتمنى اكوم اكله اني بنت عمتك بس اخاف ميصدكني واخاف يتعاونون عليه ويقتلوني لان اني عار بالنسبه الهم ..

موبعيده زهره تسوي كل شي ..تحملت الض*ب وسكتت بس انادي اه اه وأن من الالم ..

وكف ميض*بني شمر عليه الحزام وكال طلعي من كدامي لااموتج هسئ بيدي ..

كمت فتحت الباب وطلعت صارت بوجهي هيله كالت يايمه بعدكم مامتزوجين بعد الكم 5ايام ع الخميس صبرو شويه

ماجاوبتها .. ورحت للمطبخ شون بيه هذا شون راح اخلي يحبني شون راح افضح زهره اذا ماعندي ظهر قوي انسند عليه ..

لشويه تذكرت امي سمر وشون جانت تدافع الي من نوال وظليت ابجي وانحب على حظي

العاثر ...

اووف ماما اني بعدج بلايا والي وين اروح ووين اودي روحي لو اتحمل كل شي كومي ييمه خلصيني من هالظلام ..

حتى كبرج مااندله اروح الها .. بين اهلي وامي وابوي ومظلومه شون وياي صحت ام علاء على صوتي .. ونيني ..

كالت يمه شبيج

كتلها ذكرت امي

كالت كومي صلي ركعتين اهديهم الها واقريلها الفاتحه هسه ترتاحين

بجيت بحركة وجاوبتها مااعرف اصلي

كامت وعلمتني على الصلاة لان مااعرف ولااحد معلمني واني بعمر 17 سنة هسه وماعرف

صليت وارتاحيت من صدك ونمت ..

الصبح وعيت على دفرات على جسمي باوعت شفته قياد گاال گومي ولج موعبالج صرتي وحده منه كومي كومي يحتار شلون يعذبني

كمت رحت للمطبخ راسا صبحت على ام علاء ..

وكعدت احضر الريوك وهي راحت للحجيه الجبيره دخلت زهره عليه ..

ض*بتني على ذراعي تحجي وحلكها داير

ولييج شتسوين البارحه بنص الليل يم قياد هاا شافتج هيله واجت كلتلي ..

انه كلت حسبي الله شون وي اليستشرفون وهم هه هه .. خزرتني وطلعت

زهره .. هاي شون وياهه لازم ابلغ صالح عليها لازم احصله ..

بعدها بيومين العم صباح راح للسوگ واجه اشترالي ذهب كلش حلو فرحان خطيه .. هو ميخلف اني اگول الله عاقبها الزهره لان .. تخلت عني فما رزقها الله اطفال بعد ..

هوله هوائل شافت الذهب وگالت انطيني هي الكلاده عجبتني ..

گتلها دمشي بطرانه والله انطيجياهه ومال شنو گالت مال تعبي وياج بعد شنو شمحصله انه من ساعدتج تتزوجين قياد ..

گتلها ولي يلا المهم عقد عليه وبعد جم يوم عرسي دگلببييي وجهج يلا گالت هين هين انه اعلمج جا شعبالج راح اشوفج منو هوائل وراحت ..

المهم مرت هالكم يوم .. وتجهزت للعرس وفرحانه .. عرسي راح يصير ويا رحمه بت هيله بنفس اليوم الي جنت اتمنى يصير

جنت عايشه بيت دعاره ومتوقعه نهايتي مثل اي عاهر احلم بالزواج بس هسه الحلم صار حقيقه ومن منو من الشخص الي اعشقه بجنون رغم اذيته اليه احبه

لبست البدله البيضه وتسريحه وكعدوني اني ورحمه اشوف زهره من بعيد ..

ولاهامها صرت اتخيل امي .. سمر .. كاعده والدمعه بعينها وشكلها المريض وفرحانه الي ..

غضيت البصر عن زهره وتركتها صرت اباوع للناس واتسمع حجيهم يكولون منين مرت غياد شو لااهللها لا ناسها كلش تمنيت اكوم اصرخ واحجيلهم اكوللهم اني ابين اهلي وناسي ..

بس شامريني وظالميني ومتخلين عني .. لشويه طب رجل رحمه اخذهه .وزفوهم . بقيت اني صارت زفتي على قياد ...

اجه حبيبي يخبل لابس الغتره والعباه والعكال .. شيخ بهيبته ومشيته .. فدوه لالله حسيت كل البنات نظراتهم اله بشغف وحب يردونه صرت احسد نفسي ..

هم مايدرون بي شكد نذل وحقير هو سبحان الله كل حلو نذل وحقير

ابتسمت اله بس هو مامعبرني ولاابد .. هه ظليت اضحك بخجل .. زفونه للغرفه .. كعدت على التخم الي بالغرفه ..

هو بدل لبس قاط ولاباوع الي ابد دخلت زهره گلتله ليش نزعت تعال رش عليهم الماي ورد گللها اريد احتفل ويا اصدقائي هسه جوه گلتله خوش وطلعوا بقيت كاعده انتظره ومابدلت ..

مرت ساعه كامله اني كاعده .. بعدها اجه وكال نروح للفندق .. كومي ..

لفلفت نفسي محد ويايه عبالك غريبه كتله اخذ ويايه ملابس كال لا نزلت ويا بس خايفه منه مااعرف ليش ..

وصلونه اصدقائه .. وواحد وياهم يصيحله وسام لهجته بغداد ..المهم وصلنه للفندق جماعته يضحكون وانطو شي ملفوف بعلاليك ورقيه

وصعدنا حاجز النه جناح خاص بقيت واكفه هو خله العلاكه على الميز ونزع الستره واتمدد على السرير ويباوعلي ..

فاتح دكمتين من القميص والرباط مرخي گال نزعي هالخرابيط وتعاي وشمر عليه علاكه ثانيه كال لبسي هذا .. طلعته ..

شفته سيت نوم شفاف كلش لونه احمر يفشل ياليش هيج قياد يعاملني لسه مقتنع اني عاهره راح اخذها حياتي العشتها ببيت الدعاره هنا مراح اخلص من معتقل الخطيئه ..

لبسته ولفلفت نفسي بالبرنص مال البدله ورحت يمه .. اشرلي بيده كال بنبرة م**رة تعااي ..

رحت اله

قياد .. قررت ادخل بيها اذا طلعت مو عذراء اخذها واروح بيها لاهلي انزلها كدام ابوي وبما انه اني واليها ماعدها احد .. نقتلها واخلص من غلطتي من صدك جنت هيج مقرر احس تخبلت رسمي بسبب كل هالضغوطات ...

بالاول راح ادخل بيها بوعيي قررت اتعامل وياهه كعاهره لان مدداكدر اقتنع بغير شي ..

اجت متلفلفه گتلها تعالي اجتي .. اشرت الها تفتح دكم قميصي .. اجت تفتحهم

الي .. وتبتسم الي .. گتلها فرحانه بيه مو

زمن .. شون ماافرح بيك حبيبي .. انت روحي وانت سندي وحياتي ومستقبلي اني وين احصل مثلك هيج واحد بس هذا رزق الله

ضحكت باستهزاء :- هه دفعتها وشمرتها على السرير ودخلت بيها طلعت عذراء ..

بس مدااكدر اقتنع اني ابد عفتها تتألم وكمت .. صبيت النا كاسين .. ورحت الها على السرير .. گتلها گومي شربي

زمن ... شنو هذا

قياد .. الي جنتوا تشربونه ببيتكم بيت الدعاره

زمن .. كمت واني متألمه .. قياد اني مااشرب ولا بعمري شربت وانت هم لازم تبطل شرب

قياد .. خليت الكؤؤس على الميز .. وسحبتها من شعرها يلا ولج .. گومي خلي نعيش اللحظه اني وانتي ..

لتتخلين عن اصلج .. لزمتها من شعرها وفرغت الكاس بحلكها مال مشروب

زمن ... احس غصيت وردت اتقيء خنگني يشرب ويض*بني ويتقربلي اكثر من مره ويهذي بإسم ورده موتني .

الحد مانام بقيت گاعده وابجي والالم بروحي اكثر من جسدي اضعاف مضاعفه كرهته كلش ..

كرهت حياتي مو هذا السند الي اعتمد عليه اييه حقه موشافني بعينه ببيت دعاره ..

اني استاهل هم آذيته وخليتهم يجبرو يتزوجني .. للصبح كعد واجوا آخوته ورجعونه للبيت .. وبدت العزايم وسوو اله ضيفه ..

وكل شويه يجي شيخ ويقدم الهم خروف ويذ*حوا ..

جنت اني بالغرفه كاعده ..

وهو ديمشط شعره ع المرايه ..اندگت الباب .. گال فوت دخلت اخته اسمها فاطمه هو عنده هوايه خوات واخوان ..

گلتله قياد يصيحولك اجو شيوخ يباركون الك گلها خوش جاي طلعت فاطمه وسدت الباب جان يكول متزوج وحده من بيت دعاره وهالكد يجون عالم ويباركون لو متزوج بنت شيوخ شلون ..

وجان يشمر عليه الفرشه مالت الشعر اجت براسي .. لزمت راسي متألمه واباوعله بغضب .. گال احجي حتى اموتج بيدي

سكتت وطلع هو وكعدت ابجي .. مر اليوم واجه للغرفه نام .. ومرت الايام كل يوميه .. هالحاله .. إهانات وآذية الا ان اجه اليوم الي انتفضت بي

خلص خلص ولك عرضك اني شرفك موكافي مو دخلت عليه وشف*ني شريفه وبنيه محد لامسني قبلك بعد عليش هالحجي الي يسمم البدن

حرام عليك انت مابكلبك رحمة وگعدت ابجي ..

گتله بس اريدك سند الي مارايده شي منك والله مارايده .. شي من حياتي وصرت ابجي

غرس ايده ب*عري وسحبه وخله وجهه بوجهه وكال اسمعي لج هذا الحجي ماريد اسمعه مفهووووم ؟

وشمرني وطلع

يوم ثاني شفته حضر جنطته وغراضه وراح هالحجي زهره وصباح راحو لبغداد وره العرس بيومين .. بعد ماحذرتني اذا اتصرف بشي وانطيتها نسختها من الكلاده وبقت نسختي عندي

وكتلها يجي يوم واعرفج على بنتج ..

راح قياد ومرت ايام وهو ماكو اكيد راح البغداد .. جانت هوائل بهالفتره تسمعني حجي .. بس مااهتميت الها .. خابرته .. من تليفون فاطمه .. گتله الو قياد شلونك

قياد ... هلا فطوم خير حبيبي اكو شي

زمن .. قياد اني زمن

قياد .. شرايده انت مخابرتني ومن سمحلج تلزمين تليفون وتخابرين

زمن .. قياد اني زوجتك الك عشر ايام ماكو ومجاي الي اشوفك ميصير تعال وخلينه نعيش مثل اي زوجين بالدنيا

قياد ..ضحك باستهزاء زمن تحلمين خوش حلمج هذا وولي يلا كبري عقلج شووويه اني وانت مستحيل مستحييل نصير مثل اي زوجين افتهمتي ....

سداه بوجهي انطيت التليفون لفاطمه ومتت قهر شوكت يحبني وشون راح يحبني وهو بعيد عني

مره شفت ورده بالبلكونه سلمت عليهه وبداخلي مقهوره گلتلي طلعتي مو هينه والله وكلامج المعسول حسبي الله ونعم الوكيل وراحت انقهرت عليها وكرهت نفسي سامحيني يااختي اني دمرتكم ودمرت نفسي

بعدها بيومين .. وصلت زهره للبيت تفاجئت بجيتها اني وبدون قياد .. ماادري ليش المهم مااحتكيت بيها ابد بس صدفه طلعت بالليل ونزلت جوه شفت زهرة طلعت من الباب تبعتها شفتها بالبستان تمشي بالليل ..تقربت سمعت صوت صالح

وكفت اتسمع بمسافة

زهره .. صالح عندي حجي وياك لهيج دعيتك هنا

صالح .. احجي بنت عمي زوجتي السابقه شنو آگول

زهره .. لتگول شي وافهم المصيبه الي واگعين بيها اني وانت

صالح .. اكو بينه مصايب احجي اسمع اكيد تقصدين قياد وورده مو ؟؟

زهره .. لا اني مو اجيتك وكتلك اني حامل منك كبل 17سنه

صالح.. اي وشمرتي الطفل من بطنج صح

زهره ..لابنيه وجبتها وانطيتها الوحده وهاي الوحده مشتغله بيها عاهره ومسولفه كل شي الزمن وعرف*نا احنه اهلها وعدها نسخ من ورقة طلاكنا وزمن تهددني كلي شون شسوي بالله تعبت اعصابي احنه اثنينه بخطر انت لازم تتصرف

صالح .. شنو شهالحجي شجاي تخربطين وتوج يالله تحجين هاا ولج صار 17 سنة مو كتلج نزلي

زهره .. هذا الي صار دبرني شون اتخلص من زمن

صالح .. نكتلهه ماكو غيرها انه اكتلها بيدي ..

زهره .. يعني ماعندك غير هذا الحل

جاوبها لا ماكو غير حل لعد شون ننفضح ونهجم بيوتنا

زهرة اي اني هم والله ينهجم بيتي حياتي كلها تتدمر ..

صالح.. زهره اسف على كل شي

زهره ..راح وكته بعد

صالح .. وبتنه وين عود هاي لاتفضحنا نروح بالرجلين هم نخلص منها شگلتي لان تلوثت هسه مايفيد صلاح الخطا بالخطأ احيانا وارد

زهره .. هسه خلصني من البلوة زمن وذيج نشوفلها دبره مو اله قتل

زمن ..بينما هو يحجون متت خوف .. من رادت تجي ختلت وهي طبت للبيت وراحت الغرفتها .. رحت طبيت الغرفتي .. ميته خوف كلش ... منو الي باجر لازم اخابر قياد. واحجيله .. كل شي..

نمت .. وكعدت الصبح الحجي هذا مر شهر ونص على زواجي ..

واني كلش تعبت مدداكدر اتحمل ولا قياد كدر يحبني .. واعترفله يصير سند الي والكل مأذيني بالبيت واولهم هوائل .. تهددني بكل شي اول ماكعدت اجت فاطمه گلتلي .. قياد يريد يحاجيج اول مارفعته گتله قياد الله جابك گلي

اي الله جابني الج راح اخلص عليج لو اموتج بيدي لو اطلگج ووديج النوال هيه تخلص عليج انت شون تتفقين عليه انت وهوائل ها ولج كل شي راح ينفضح كدام ابوي وصلي كل شي اني اعلمج سديته منه وميته خوف ..

وين اروح هيج وله هيج راح يموتوني امي وابويه الاصليين راح يموتوني وقياد ..

رحت للغرفه اخذت الگلاده وعقد طلاق زهره وصالح وتلثمت وطلعت ..

امشي بالدرب هايمه على وجهي .. ماادري شسوي تعبت احس بيه شي لعبت نفسي

لزمت بطني وگعدت .. شفت سياره اقتربت مني .. ونزل منها شخص جنت دايخه كلش باوعت عليه عرفته ...

مازن .. ورده خطيبتي رفضت الزواج مني وانه ماكلت باطل عفتها على راحتها بس ماطلگتها بقيتها على ذمتي ..

ونهيت عليها سائت العلاقه بينه وبين عمي صالح .. وانهارت مصالحنه

فد يوم ..طلعت الصبح بسيارتي .. شفت الملثمه الي جنت ادور عليها .. ايام واسابيع كاعده بالدرب نزلت من سيارتي وگتلها بصيااح انت منووووو ولج

زمن .. باوعتله بخوف كلت ياربي عليك راح اخليها يمك اني هيج وله هيج ضايعه ومكتوله ..

خلي اذبها يمك ومن بعدك يمه ..بلكي يساعدني وانه من دمه ولحمه

كتله اكول والي الامان

مازن ..اخذيها من هالشارب خيتي الج الامان وانه الج سند

زمن ..فتحت اللثام گتله انه بنت عمك .. هو تعجب بت عمي شنوو ؟؟

اسولفلك كل شي بس اريد الامان

كال صعدي اخذني لبيتهم .. وحجيت اله كل شي .. وعرفني على عمي عساف .. واتفاجئو وگالو انت عرضنا وشرفنا ودمنا ولحمنا و احنه الج سند

گتلهم ابويه يريد يتخلص مني گالو انت بحمايتنا محد يكدر يتدنى الج ..

مرت الايام واني عدهم .. بعدها اكتشفت ان اني حامل عمي ومرته وبنت عمي ومازن ماقصروا ويايه ابد ...

كعدت افكر بقياد .. اذا اروح اله واكوله اني حامل راح ينكر ان هذا ابنه ويتهمني بالعهر مثل كل مره ..

لان شردت من بيتهم

هم همينه كالوا انتظري تولدين حتى اذا نكره الطفل يكدر يسويله تحليل

مره رحت يم مازن لمزرعة الخيول..شافني استقبلني هلا بنت عمي هم تحبين الخيل مثلي

گتله اي احبهم والله بس من بعيد

مازن .. المهم تردين ابلغ زوجج بحملج

زمن .. لا مازن مراح يصدگ هذا ابنه

وتابعت كلامي .. المهم مازن تحبها الورده .. وهو ديرتب السرج مال الخييل

مازن ..اووف ورده اي احبها ..

زمن ..لعد اتركها خطيه واني هم اترك قياد وخليهم يعيشون حياتهم وحبهم ويكملون طريقهم

مازن .. اتركها بس بشرط انت تجيبين بنيه ونسميها ورده شگلتي

جان يحجيها بالشقة مبين عليه مايريد يتركها

زمن .. هههه ان شاءالله ..

ومرت الايام وصار موعد ولادتي وولدت بنيه وسميتها ورده .. كل الي بالبيت فرحو بيها كل يوميه عمي عساف يكول يلا خلي نجمعهم ونبلغهم بالحقيقه اني اخاف مازن گلي لاتخافين احنه بسدج ونحميج كبرت بنتي ورده وصار عمرها 4اشهر حلوه وماخذه عيون ابوها لونهم زيتوني ..

مازن .. حضرنا الديوان وجهزنا كل شي .. وسوينا دعوات خاصه لكل من عمي الشيخ كريم وعمي صالح ومرته وورده وصباح ومرته زهره .. وقياد حضرناهم كلهم ودعيناهم وحضروا كلهم .. ضيفناهم وهم متعجبين شبيهم وشصاير كعدنا انه وابوي

الشيخ .عساف ... حياكم حيا الله من جانه .اليوم انه داعيكم هنا اعرفكم على شخص من العائله .. صارله 18سنه مغيب شمرو وهو زغير بدون رحمه وعن طريق الصدفه تعرف على اهله .. اقدم الكم بنت اخوي صالح من زواجه السري من زهره ..

زمن تعاي بويه ..

زمن .. قررو عمي عساف و مازن يكشفون الحقيقه ويعترفون بيه كدام الكل .. بعد ما كنت متردده ماردت اهجم بيوت بس شنو ذنب بنتي تعيش منبوذه العمر كله ماالها ذنب ..

صاحلي عمي عساف الي نزل الي مثل الملاك من السما حتى يساعدني ويكشف الحقيقه ..بعد ما تعشمت بقياد وخذلني

دخلت الكل واگفين ومصدومين وهووسة ويطلبون تفسير لكلام عمي عساف ...

جتي عيني على قياد جان واكف اول واحد .. تقربت منه وخليت بنتي الي هي بنته بين ايدينه وگتله هاي تخصك منك وبيك ورحت لزهره خليت بيدهه الكلاده مالتي الي هي بالاصل مالتهه وبيها حرف Zوگتلها هاي تخصج .. وبقوا مذهولين وميعرفون شنو الفلم

يتبع ..

لا تنتظر مني كرماً حين تكون أنت بخيلاً ..ولا لطفاً حين تكون.. أنت وقحاً ولا صدقاً حين تكون أنت منافقا...ًلا تنتظر مني ما لا اجده فيك.

أهاب فكرة أن تتسع الفجوة بيننا ، فيصبح كبريائي صلباً ولا تنال منه شفاعة الشوق