أنثى في معتقل الخطيئة

الحبيبة الخائنة

انثى في معتقل الخطيئة

نورا ناصر

بارت 10

زمن ...تمشي بيه السياره والوجع والندم ياكل بروحي ليش مبقيتي وياهه يازمن ليش عفتيها .. وصلنا للبيت نزلت قياد نضراته كلها شفقه ..واني مدنكة وابجي ..

شفت ام قياد وابو بالصاله كاعدين امه تباوعني ومعاجبها كال قياد بأمر روحي زمن لغرفتج رحت

قياد .. راحت زمن تمشي بالم متاثرة لوفاة امها .. كعدت يمهم ..درت على عمتي گتلها يمه عفيه اتحمليهه هالكم يوم لخاطري تره خطيه مااعدهه احد راح اوديهه لبيت ابوي الشيخ

كالت ..وانت قياد شدعوه هالكد مهتم بيها ..

جاوبت ..موقضية اهتمام ياامي بس رحمه وشفقه البنيه ماعدها احد ..

صباح ..وبعدين اني كلش زعلان عليج انت شون تتصرفين بهالتصرف البنيه بعمر بنتي وكعدت اسولف وياهه مابيها شي

...اعذرني حبيبي مو اغار عليك ... والشيطان شاطر كل اثنين ثالثهم

قاطعها صباح ..تغارين عليه من طفله اني ادور اطفال ؟ انت صدك تحجين زهرة ؟

زهره .. هاي طفله ؟؟ منيلها طفلة ترى مراهقة شابة وخوفك من هاي النماذج

صباح بعصبية رد :- .. اي طفله ولو مخلف اني جان بناتي بكدها واكبر ..

قاطعتهم .. المهم يااجماعة اني اعتذر جبتها وسببت المشكلة بعد كم يوم راح اطلع .. لبيت ابوي اوديها وابقى كم يوم وهم مبقه شي على الاعداد مالت اختي رحمه .. على ابن عمي ..

زهرة بزعل :- ..اروح وياك اني .. اريد احضر حفلة رحمه ..

قياد ... ماشي لعد جهزي نفسك بعد كم يوم

كالت وانت شعندك موديها لبيت ابوك شنو ماعدها اقارب وديها الهم اهل ابوهه وين اهل امها وين

جاوبتها بجمود ماعدهه احد

وابوك شنو موقفه على الاقل بلغه بجيتها مو تصدمه من يشوفهه ويانا

لتخافين يووم اني مضبط كل شي ..

وهسه اترخص... كمت مشيت صوب الدرج وجهت نظري للمطبخ تن*دت بگلبي اكيد هسه دتبجي وصعدت الفوك ارتاح والعصر اطلع ..

زمن .. فتت للغرفه سحبت جنطتي واني ابجي طلعت صورة امي بالجنطه وظليت ابجي والوم بروحي.

من البجي والنوح احس نصبت الها مأتم عزاا بنص گلبي ماانسه فضلها ابد ياما ربتني واني طفله بدون اي مقابل

ماسويت الها شي ولا جازيتها وماوكفت وياهه بمرضها انهزمت وعفتها .. فكرت بنفسي انانية اني كرهت روحي

واني شابه قدمت الي الحمايه بكل ماتملك .. الى ان تمرضت .. بنص الوجع تذكرت قياد ووكفته الي .. تن*دت كل يوم ازيد بالاعجاب اتجاهه وحتى بالامان وياه .......

مرت كم يوم حالتي حاله وام قياد ماتعذرني ابد نفس تعاملها الي مابقلبها رحمه ..

.. رجعت للبيت بالليل ساعه 9:00 الجو صيف وبي نسمات هوا والقمر بدر .. شفت زمن بالحديقه ... دتمد المي للزرع .مسويه ضفيرتها المعتاده ع جنب والهوا يداعب شعرها . تقربت الها گتلها ها شدتسووين باوعتلي وعيونها لسه مورمه وماكو بيها اي حياة ماالها خلك شي ..

جاوبت بتعب وتمسح العرك على جبينها

..اوصل المي للزرع ..

جاوبت بعدم رضا ... مو شغلتج هي ليش دتشتغليها مو الفلاح موجود ويهتم بالحديقه

.. اني بس انفذ كلام امك

... تن*دت ..حكيت راسي .. ماشي زمن باوعيلي

اندارت عليه گتلها باجر نطلع الفجر نروح لبيت ابوي الشيخ .. هزت راسها ودنكت .. انت نامي وكت حتى تكعدين وكت ونوصل قبل الظهر ماشي ..

..ماشي ..

زمن :

فات جوه بقيت وحدي افكر منو يقصد بابو الشيخ هو مو هذا ابو لعد منو هذا ابو الشيخ .. كعدت على حوض الورد الي بالحديقه ..وافكر ... بعدها دخلت نمت ..

الصبح كعدت على وكت حضرت نفسي وحضرت الهم الريوك .. كعدو تريكو ووحضرو نفسهم .. اني جنت متشوقه اروح للمكان الي. انولدت بي وربيت بي اشهر من عمري ..بس هالشي بقى سر بداخلي وماحجيت كدام قياد ولا كدام امه

حضرت نفسي وكعدت بره يم السياره .. اجه قياد .لابس بنطرون بيجي وستره سوده وبدي جواهه بيجي .هو واكف اني كاعده باوعلي ..متعجب

قياد ..باوعتلها كاعده ع الارض ومجهزه نفسهه لابسه قميص وبنطرون جينز ومخليه شال على شعرها وعيونها كلها حزن ابتسمت

گتلها اشو مستعجله

كامت وهزت راسها وهمست : .. اي

قياد ..ليش

زمن .. هيج تعبت من بغداد بلكي من اروح للجنوب تتغير حياتي وارتاح

قياد .. اي بس هذا لبسج ممقبول هناك ببيت ابوي الشيخ غيري احسن

زمن .. هاي هيه ملابسي الي جبتها ويايه معندي غيرها كله جينزات وتنورات قصيره

قياد .. ماشي طالع هسه شويه واجي ...

زمن .. هو راح طلع جتي امه .. سئلت عليه گلتلهه راح هسه يجي .. اجه نزل من السياره وانطاني علاكه فتحتها بيها عبايه اسلاميه كال لبسيها رحت للبيت لبستها .. وعدلت نفسي وطلعت ..ودعو صباح وصعدنا بالسياره مشت بينه والطريق طووويل جنت اني ساكتة بس هو وامه يسولفون لمواضيع مختلفة

وصلنا لبيت الشيخ تعبت اول مره اسافر واحس بدوخة قووية وبطني تلوب ... نزلنا هو مسبقا حاجي لاهله عني جان البيت بي هوايه ناس ..

والشيخ الكبير الكل يحترمه بس بقيت مااعرف ليش قياد يصيح للكل يمه وهم يصيحون اله غياد مجان لازم اسئل اني ..

صرت انام يم ام علاء الي تشتغل عندهم اروح يمهه ..المكان كلش حلو .. ريفي هاديء والشط روعه نسمات الهوا تجي منه ترد الروح اوكف ع البلكون واشتم نسمات هوا احس بغير عالم اني .. احس نفسي احاجي للشط .. واشمر كل همومي بي ..

جان عدهم ابقار وام علاء تحلبهم وتفور حليبهم وي الهيل وتصير عليه طبقه كلش طيبه من تفوره يسموها الكش*ه .. طعمه طيب حييل .

بيوم حفلة رحمه .. طلع قياد ولابس دشداشه نيلي وغتره خمري بحاشيه رصاصي طالع يجنن اول مره اشوفه بالزي العربي صدك لايك اله ..

وبيده السبحه ويستاهل كلمة فدوه .. طالع يجنن صرت اباوعله وهو يسولف ويا اخو حسين ويضحك .. اتمنيت اني لابسه بدلة عرس وزافيني اله .. بس احلم بهالشي احلم .. احلامي على كدي

لان من صدك طالع عريس...

اجه للمطبخ كلي زمن راسي يوجعني صبيلي استكان جاي .. صبيتله وتبعته للحديقه .الخلفيه . اريد اصيح اله ياخذه بقيت مسافه عنه بقيت واكفه ع بايات اليم باب المطبخ الخلفي وهو. بالحديقه جتي بنيه صاحتله قياد..

هو اللتفت وهو مصدوم حسيت بي كال الها هلا ورده شونج .. ابتسمت اله احس بنظراتها مو نظرات طبيعيه ابد ..

لا بيها شي بيها احساس ومشاعر حب وحتى هو وتصرفاته .. وياهه .. عرفتها ورده اي هي نفسها الي يصيحلي باسمها ..

رحت تقربت عليهم وانطيته استكان الجاي. باوعتله وهو صار يباوع الي ويباوع الها ..دققت بملامح ورده هواي وركزت بيها وهي تباوعلي مستغربة ..بقى يسولف وياهه واني رحت ..امشي واتلفت الهم وهم يسولفون ...

ورده ..كانت لابسه فستان برتقالي فاتح طويل وبي نقشات برتقاليه ناريه وشال برتقالي ملامحها بارده كانها مريضه او شي

وتنفسها وكلامها بتعب تحجي من انطيته استكان الجاي جانت مصافحه ايده وتكوله جنت ادور عليك ..

عفتهم وطبيت ركض للمرايه باوعت الوجهي واغمض اتذكر ملامح ورده اي بيها هوايه مني هوايه ليش ياترى ..

قياد .. شفت ورده من صدگ كلبي رجف الها ..

اجت قريب عليه صاحتلي .. قياد .. رحتلها صافحت ايدها ماردت اترك ايدها بس بعدها حسيت على نفسي بان هي مخطوبه وصرو ازيح عني هالافكار ..

ورده ..جنت ادور عليك قياد شونك مشتاقه الك هوايه

..بجية زمن انطتني الجاي .. باوعتلها وباوعت الورده زمن نظراتها كانها عرفت هي ورده الي تشبها وهسه بوجودهن اثنينهم اتاكدت هن يتشابهن

صرت اباوع لزمن بنظرات تحذير وهي خلت وراحت ...

راحت زمن تابعت كلامي ويا ورده .. اي مب**ك ع الخطوبه ..

..قياد كوه وافقت عليه تره بس حتى ارضي ابوي

..اخخخ ورده كافي دخيلج .. ميحتاج تبررين ورده كتلج اسوي كل شي على مودج وانت شسويتي بالمقابل الله يسعدج

.. قياد. حالتي ويا موطبيعيه حتى هو مل مني كلش ويشتكي عليه عند ابوي

..ممرتاحه ويا عوفي شجابرج

..قياد تعبانه مالي خلك متدري هسه شكد فرحت من شفتك ماي بارد وعلى جتافي

..ههه واني هم ديري بالج لتتمرضين .. من الماي البارد ..وبقينه نسولف نسينه نفسنه

زمن .. رحت للمطبخ ..اطل عليهم شفتهم بعدهم يسولفون طبت حجيه هوائل مرت الشيخ ..جان تاشر بيدهه هي كلش ضخمه وصوتها يطرش عالي جان ظلت تطل عليهم من الشباك وتحجي تكول ياا هذا بعده غياد يلغي وياهه جا مو انخطبت وخبصه وبعدهه ويا تلغي تهي بهي هي تحجي واني اباوعلها واباوعلهم ..

خلصت الحفلة .. والكل راحو صارت ساعه ب11بالليل الكل نامو .. مااجاني نوم .اني احب البلكون .. طلعت بالبلكون سمعت صوت ختلت وره الباب

الضوه خافت شفت ورده بدون حجاب شعرها بني محمر لحد كتفها ولابسه كلبيه نص ردن وكاعده يم قياد ع المصطبه بالبلكون ..

ويسولفون بكل اريحيه .كلام حب وغرام . كلش غرت منها تمنيت الزمها واملخ شعرها .. عفتهم زطبيت جوه

هسه هي مخطوبة هو شكو كاعد يمها تذكرت من اجه يعتدي عليه حضنت رووحي ووخرت الافكار عني مدري ليش فكرت بهالشي

واني داامشي اسمع الحجيه ام كريم تحجي ويا ام علاء وتأن من الالم قربت اذني ع الباب سمعتها تكوللها والله ياام علاء تعبانه كلش والندم ماكلني اكل ..

خايفه لاالله يعاقبني على الي سويته من شلت بنت زهره وانطيتها للقا**ه تشمرها الله يعلم بحال هالبنت وين صارت مدري بحالها والله

اني خلست بمكاني رجعت اتسمع مره ثانيه جان تكول شكول عليك طالح من تزوجتها بالسر وقشمرتها اخ ياالله سامحني ..

لالا اني مدااسمع عدل شنو الفلم عقلي وكف عن التفكير ..زين معقوله اني هاي والله خلاني بطريقهم عن طريق قياد !!!!

لالا معقوله هيج الدنيا زغيره وجمعتني بيهم لالا مستحيل وافرك عيوني وادخل اصابعي باذني

زين قياد شنو اوف قياد اخوويه يصير ورجعت اتذكر من جان يبوسس بيه بالغرفة ، صفگت خدودي

يربي ساعدني لا هالشي مو اكيد بعد هواي دلائل لازم اجمع اثبت بيها نفسي مو شرط اني نفسها مستحيل

بقيت صافنه بمكاني وهنه يسولفن ذيج تصبر عليها تكللها جا شبيدج اذا هو نذل ويخاف من مرته خو ماالفضيحه وتنكتل زهره ..

واني بعدني اتسمع الهن سمعت صوت من البلكون .. رحت رأسا شفت قياد ابتسمت اله .. گال شكو فاتحه حلگج من الاذن للاذن

فر ايده وراح يريد لغرفته لزمته من كف ايده گتله تعال قياد .. هد ايدي ودفعني .. گتله الي جنت كاعد يمها هسه هي هاي ورده الي تشبهني مو ؟

تقرب مني وكال اشش تشبهج لج انت وين وهي وين وبعدين شنوو ولج جنتي تتجسسين علينا ..

ابتسمت باستهزاء وحاجيته اي اني وين وهي وين اني كنت عايشه ببيت دعاره بس مامخطوبه وكاعده وي حبيبي القديم بنص الليالي ... واسمعه يتغزل بيه ومكيفة تره هاي خيانة

رفع ايده وض*بني راشدي على وجهي لزمني من ركبتي قطع عني الهوا اختنكت كال اذا كلتي كدامهم انت جايه من بيت دعاره اذ*حج ذ*ح وعافني بقوة بحيث وكعت على الارض ..

ومشى كمت رحت صرت گباله وض*بته ع ص*ره حييل گتله اشرف منكم اني حتى. اشرف من امك ض*بني راشدي ثاني ظل الدم ينزل من شفتي .

لزمني من ركبتي مره ثانيه .. وحصرني ع الحايط كال زمن نسيتي نفسج لو شنو هاا تردين اشمرج بالشارع هاا وولج ؟؟ جنت اجاهد حتى اتملص منه

سمعنه صوت حركه .. نزل ايده من ركبتي بس بقى محاصرني .. قربت وجهي عليه وهمست بأذنه الزمن راح يعلمك منو هي زمــــــــــــن .....

وللحكاية بقية