أنثى في معتقل الخطيئة

? النهاية جزء اول

قياد .... كلام زمن من گلتلي اني عرضك اني شرفك .. كلش اثر بيه فعلا حسيت زودتها وياهه اني صدك لازم اكف نفسي عنها دااكره نفسي بلي دااسوي وياهه هي غلطت واني غلطت وميصير ازيد بالغلط خايف لايوم مارحمها وتموت بين اديه وبعدها راح اخسر الدنيا والأخرى ومن هيج قررت اروح البغداد وابتعد عنها خليها يم اهلي هي بمكان واني بمكان احسن .

بعدها بكم يوم .. خابرتني هوائل تعجبت هاي شتريد اول مره تتصل بيه وتريد احاجيها ... طول عمرها تكرهني وتضوج مني

جاوبتها گالت تره زمن بليلة الي جنت متعارك ويا ابوك كالت انه بالوحده راح اروح يم قياد يريدني

انصدمت اني بس خليتها تكمل

كملت بتمسكن وانه ياوليدي سامحني انه گلت لابوك وهو صاح الزهره واجه دخل عليكم .. وصار الي صار

تره زمن مخططه الهالشي تريد تاخذك ترى هاي زمينه مصيبة سواتها محد يسويهن وانه تاخرت يله كلتلك واطلب منك السموحة

كتلها يمه عادي انه متعود عليج وعلى سوالفج

وياي وزمن دبارها يمي

غلقت الخط وياها واني كلش معصب حاولت اسيطر على اعصابي ماكدرت صدك داهية هالزمن تمنيتها يمي بلحظتها جان اكلتهه اكل طلعت ماتستحق شفقة مني غلط مني احتويتها ، ودخلتها لعائلتي ، يعني هي كلش زين تدري بيه احب وردة ورغم هذا خططت تخطيط شراني ووكعتني بمصيدتها حسيت نفسي كلش مغفل

اخذت التليفون و خابرتها طيحت حظها وگتلها راح اشمرج يم نوال بس هي دواج يوم بس مجنت اقصد هالكلام ولا ناوي اوديها لنوال مستحيل هيه صارت عرضي وشرفي ومستحيل اوديها يم هيج مكان

بس ردت اتعبها نفسيا ومن ارجع هم اطيح حظها ثاني يوم طلعت لبيت ابوي الشيخ من وصلت گالو تره زمن ماكو مهزومه من البيت.

اني طار عقلي بلحظتهه .. ابوي واخواني واني دورنه عليها مبقه مكان مادورناهه بي ، يومين واحنا ندور ماكو فص ملح وذاب .. رجعت البغداد ادور عليها ودزيت جماعه لبيت نوال يدوروها ماكو .. حلفت اذا الگيهه اله اذ*حها بيدي على الي سوته ..

ومرات اتسائل شنو الي خلاهه تشرد غير تهديدي الها معقولة اكو احد اذاهه !؟ مستحيل تشرد من تهديدي بس بقيت بحيرة لا ليلي ليل ولا نهاري نهار

مرت اشهر ماكو هي ..

مرت الايام وماكو زمن .. احس فراغ تعودت عليها سنه كامله جانت ماليه جزء من حياتي .. وهم زوجتي هي ماتوقفت ادور عليها كل يوم بس مالگيت الها اثر ابد

نكعد نحجي اني وعمتي احسها مرتبكه تكولي تولي لتدور عليها ارتاحينه منها ..

گتلها تحجين صدك انت شون ماادور عليها هاي زوجتي العالم كلها تعرف زوجتي ، شون اعوفها هيج ومااندل دربها وين

زهره ..تلكاهه رجعت للبيت الي جبتها منه ..

قياد .. دورت هناك ماكو اصلا هي انهزمت من البيت لان هددتها ارجعها لهناك ..

زهره ... ليش مهتم ياعمري ازوجك الاحلى منها

قياد ... هفف يازواج يمه شبيج اني بحال زواج هسه وتدرين بيه مااحبها بس مهما يكون هايه على ذمتي

_______________

ورده .. بعد ما عرفت ان قياد تزوج زمن البنيه الي اعتبرتها صديقتي وحبيتها كرهت قياد بس ماكرهت زمن سويت العمليه مالة القلب ونجحت .. وصرت زينه ..

ورجعت لدراستي .. ومافكرت باي شي غيرها بس بقى شي واحد يربطني بأبن عمي .. مازن وهو العقد.

بفد يوم عزمونه بيت عمي وكالوا تعالوا يمنه اني تشجعت ورحت توقعت راح يحددون مصيري وي مازن بس مااتوقعت هالشي ابد الشي الي راح يصدمني ويغير حياتي للابد .

زهره .. بعد هروب زمن ارتاحيت وهي ماكو هم وانزاح مني ..... رجعت خابرت صالح گال لازم نتوقع كل شي وناخذ حذر بس اني مااهتميت اهم شي عندي حياتي وصرت زينه على العلاج الطبيعي .. ورجع حلگي طبيعي ورجعت لبغداد لحياتي الطبيعيه

وصباح مدللني ميشوف غيري .. الا ان اجه اليوم المشؤؤم الي غير كل شي بحياتي وگلبها

قياد .. ابن عم ابوي الشيخ عساف عزمنا كلنا جنه ابغداد .. اني وعمتي زهره وزوجها صباح رحنا لبيت ابوي وكالوا احنه هم معزومين دخلنا شفنا الكل هناك

تفاجئنا .. سمعت عمي عساف يگول .. اريد اعرفكم على فرد من العائله شامرينه من زمان .. وهسه رجع عن طريق الصدفه وكال الفرد هذا ابن زهره وصالح من زواجهم السري

جفلت والاكثر انصدمت بدخلة زمن .. ونوب خلت بين ايديه طفله وكالت هاي بنتك ..

احنا ماافتهمنه بس شوفة زمن تغير شي بداخلي .. بعدها گبت العيطه عمتي وكعت اجه مازن اخذ البنيه من ايدي .. انطاهه الزمن ..

صالح ظل يعيط

صالح .... جذابه انتوا تصدگون هي الجذابه مدري منين مامنين جايبيهه

مازن .. عمي اكو دلائل وهاي ورقة طلاقكم ومختومه ومابيهه اي غش تفضل عمي كريم هاك الورقه

الشيخ كريم .. يااكلب ياحقير ياصالح شون تتزوج اختي بالسر انتوا اثنينكم يرادلكم رمي .. انت وزهره وكمت ادفر بيها وهي مغمي عليها لزمني صباح وشالهه وطلع بيها للمستشفى

صالح .. خويه عساف هيج تفضحني انه خويك وانت يالجذابه .. واللتفتت الزمن نهايتج على ايدي

زمن .. حضنت بنتي وابجي

قياد .... واحد منكم يفهمني شنو السالفه ولكم اني مصدوم رحت الزمن لزمتها من شعرها ولج انت شون تطلعين من بيتي امشي وياي للبيت عقابج عسير

صالح ... اخذهه قياد انه وياك نتخلص منها هاي جذابه

مازن .. محد يتقرب الها بت عمي بحمايتي ولزمت زمن ووخرتها منه

ام ورده .. اخذت ورقة الطلاق وشفناهه انه وورده تهسترنا اختنكت رحت على صالح .. ولك انت شون تسوي بيه هيج شون .. لزم ايدي امشي وياي للبيت صرخت بنص الديوان ماااروح وياك لاانه ولابتي مااروح ..

شيخ كريم .. ابو ماازن صالح مايبقى هنا ينفي مايظل هنا بديوان واحد انه ويا لو اكتله هسه لو يطلع من المنطقه كلها ..

عساف .. مازن طلع صالح منا ..

مازن .. صار بويه ... طلعت عمي صالح من الديوان وهو يرفس ويصيح ..رجعت شويه شفت قياد يجرجر بزمن هم يريد ياخذها رحت عليه كتله قياد مو هيج تره زمن بت عمتك وام بنتك

قياد .. اي ولاتنسئ تره بعدها على ذمتي واني حر بالتصرف وياهه ..

زمن ...ظليت اوضح لقياد كتله سمعتهم رادو يقتلوني والله سمعتهم بإذني وانت ماكو ابغداد من خابرتني گتلك الله جابك سمعت منك تهديد .. خفت طلعت هايمه على وجهي شفت مازن واني اعرفه ابن عمي شكيت اله وساعدني .. بعدهه اشر الي الشيخ كريم وگال جيبي الطفله ..

وديت ورده اله وكعدت بصفه . خلاهه بحضنه

گال شنو سميتيهه گتله ورده باوع الها ورفع راسه على قياد گله يابه تشبهك من جنت زغير ..

اجه قياد يم ابو وظل يباوع الها .. گتله تسمحلي اگلك خالي گال ايي يابه انت بنيتنه وانه راح اعاقب كلمن اله ايد بضياعج ودمارج ..

گتله خالي لا بعد هسه ميهم اني عندي ورده بنتي تسوه الدنيه ومستعده اسوي اختبار اثبات نسب الي ول---

قياد خله ايده على حلگي وگال ميحتاج يله گومي ويانه .

گتله اريد ابقى هنا ماارجع واذا تريد تجي تشوف بنتك شوكت ميعجبك تعال بس اني اريدك تطلكني اني مرتاحة هنا احسن الي والك ..

هو رفض وراد ياخذني غصب وعصبي

عمي عساف گال خليها عدنا احنا مسؤؤلين عنها ..

قياد .. لا عمي اني زوجها وابو بنتها ومسؤؤل عنها

مازن .. هي صاحبة القرار وهي تقرر

زمن ..باصرار ورفض وبدون مااباوع لقياد

كلت °° اريد ابقى هنا

شيخ كريم .. على بركة الله احنه نترخص ... مشكور خويه ابو مازن ... وصالح وزهره حسابهم يمي وانت بويه ام ورده .. ارتاحي هنا جمن يوم حتى نجي ناخذج

گتله الله كريم ..

قياد .. زمن ماتغيرين رأيج گلتها بعصبيه

زمن .. هزيت راسي لا .. نزل بوس ورده الزغيرونه

من راسها بس متردد

واندار على ورده گللها ورده محتاجه شي هزت راسها لا واندار على ام ورده وگللها وانت عمه اذا محتاجه شي گولي

گلتله لا ابني احنه باقين هنا .. والشيخ عساف مراح يقصر ويانه ..

طلع هو وخالي الشيخ كريم ..وتبعهم مازن وعمي عساف للباب يوصلهم ...

رحت يم ورده اختي وامها كاعدين صافنين ومتفاجئين وعيونهم حمرة من البجي

رحت يمهم وبيدي بنتي گتلها ورده سامحيني اني غلطت اسفة

هي ماحجت اخذت بنتي من ايدي بوستها ونطتها لامها وحضنتني ..

وصارت تبجي وكالت اني ماتوقعتها من ابوي هيج يسوي بس حسيت اكو شي بداخلي يربطني بيج والله حبيتج وماكدرت حتى اكرهج ..

رغم كل شي انت مالج ذنب زمن الي صار الج شي ميتسوه والمفروض متسامحين الي سوو بيج ابد

بقيت عاجزة عن الرد وبس اهز براسي

ورى ثواني كتلها اني بعد لهنا وسويت الي عليه الله ياخذ حقي منهم وهم ربي ماقصر وياهم

ظلت تباوع للطفلة وكالت

صدك سؤال ليش سميتيها ورده ..

زمن .. مازن رادهه ورده وماردت اخجله واكيد قياد لو يعرف بوجودها هم راح يسميها ورده ودنكت ورده اخذت بنتي وصارت تلعبها ..

____________

قياد .. طلعنا من بيت عمي ابو مازن .. ولهسه مصدوم زمن بنت عمتي زهره الي ربتني نفسها ..

ماجاي اصدك زين ليش ماگلتلي اكو هوايه حجي بس مو وكته هسه لازم اروح لعمتي زهره ..

ابوي راح للبيت واني رحت للمستشفى شفت صباح گال عمتك بغيبوبه حاليا واني هذا حدي وياكم ..

گتله وين تروح

صباح .. قياد انت ابني ربيتك وعمرك 8سنوات وراح تبقى ابني وحتى الك حصه بالملك مالتي لان تعبت وياي بس مااكدر اتقبل ماضي عمتك مستحييل مااكدر الي تخلت عن بنتها وهي لحمة حمرة تكدر تتخلى عني باي لحظة

قياد .. ليش اني راح اتقبله .... لو زوجتي الي ظلمتها وآذيتها

صباح .. ابني وربتت على كتفه .. حاول تصلح اخطائك واني رايح هسه وراح توصل الها ورقة طلاقها عمتك اسف الي سوته ذنب لايغتفر مدام كدرت تتخلى عن بنتها وهي طفله بريئه تكدر تتخلى عني وعنك وعن حتى امها وكل شي اني رايح قياد دير بالك على نفسك وبيتي والمعرض مفتوح الك بآي وقت

حضنته وسلمت عليه ودعته ورحت والحزن والالم يعصر قلبي بس مااكدر استمر وياهم مو لان تزوجت بالسر لا وانما رمت بنت بريئه الى التهلكه

قياد ... ماكدرت ابقى بالمستشفى .. طلعت واني اسوق السياره واحساسي مخربط وكلشي بيه مخربط وكفت يم بيت ابوي واحس ممرتاح اني ماالي شغل هنا لا اريد ارجع ... لبيت عمي عساف واحاجي زمن رجعت دكيت الباب طلع مازن ..گال خير قياد اكو شي

قياد .. صيحت عليه بغضب :- شبيك مازن شبيك مرتيي وبنتي هنا يمكم شنو خير اريد احاجي مرتي وخلص عجبك خير على خير معجبك انطينياهم اخذهم يمي

مازن ... هاي شبيك تصيح خو ماكو شي عبالي صار شي مو هستوك طالع من يمنه

وتفضل ولاتصيح دخلته للصاله ورحت دكيت الباب على غرفة زمن طلعتلي ورده صارت عيوني بعيونها المدمعه ماكدرت حتى اركز وشحجي وياهه من سنين وانتظرها حتى تعبت واحس هم ظلمتها من جبرتها عليه

دنكت و گتلها وين زمن ؟

ورده .. اندك باب غرفة زمن جانت ترضع بنتها .. فتحته طلع مازن صار يباوعلي اول مره احس بشي اتجاهه من باوعت لعيونه ...

ارتبك انه جنت ابجي على ابوي والي سواه وحالة امي .. سآلني عن زمن گتله جاي تنيم بتها

تحسر و گال من تخلص خلي تجي قياد يريدها

گتله ماشي ..

رحت لزمن .. گتلها زمن قياد يريدج

زمن .. خير شصاير .. شيريد مني مو كتله مارجع وياه

ورده .. يمكن يريد يحاجيج روحي وشوفي شنو يريد

زمن .. خاف يريد يرجعني مااريد ارجع

ورده .. ليش ماترجعين مو ابو بتج وزوجج ولاتنسين هو نقذج صح ولو ما هو انت مو هنا هسه ..

سكتت زمن وظلت تفكر

كتلها انطيني رورو وروحي شوفي شنو يريد ..

زمن .. باوعتلها باستغراب لعد هي مو تحبه اشو تريدني ارجعله .. گالت شبيج صافنه ولج رووحي

كتلها احجي وياه بس مارجعله اذاني هواي ...مخبل قياد مخبل اعيش هنا احسن بمية مرة مما اعيش وياه

وردة : بلكي يتغير ويتعدل الله يهدي خاصة بعد الي سمعه اليوم

حركت شفايفي كتلها مااظن ..

انطيتها رورو وعدلت نفسي طلعت من الغرفه .. شفت احلام اخت مازن

گتلها لعد وين مازن گال قياد يريدني ..

گالت بالصاله روحي

..رحت دكيت الباب فتحها مازن

كال طبي زمن تعاي

طبيت شفت قياد توترت عدلت شالي بحركه سريعه حتى اخفي توتري ..

قياد .. مازن ممكن تعوفنه وحدنه

مازن .. ماشي .. وباوعت الزمن .. اي شي تحتاجي گولي ..

هزت براسها بمعنى اي وطلعت