أنثى في معتقل الخطيئة

زمن وشرورها وانتقامها

انثى في معتقل الخطيئة

بارت 13

نورا ناصر

زمن ...صفگتها راشدي معدل .. فريتها فر وفيت نذري وكله ومافااخ گلبي احسه ينبض حقد بلحظتها

لزمتني من شعري وگالت. . نسيتي نفسج حقيره تعاي اربيج تعااي انت شنو ومنو تض*بيني

لزمت ايدها نبتت اضافري بيها وهي لازمه ايدي گتلها عندي دليل عليج تردين افضحج هنا لو بغير مكان نتفاهم ...

زهره ...تركتها .. گتلها امشي واني مصدومه امشي واتعثر .. شمعرفها هاي ومنين تعرف ..

زمن .. دخلنا لغرفتها دفعتني طخيت بالسرير ..وتابعت كلامها وهي مرتبكه ومتوتره ومصدومه وجها شاحب

زهره... خلصيني زمن .. العلبه وين

زمن .. بح زهوره بح ..واضحك بصوت عالي

تقربت مني ولزمتني من رگبتي خنگتني

زهره .. ادمرج اشمرج بالشارع خلصيني ..العلبه ومحتوياتهه ووين ..

زمن .. دفعتها .. وتابعت كلامي .. مو خايفه منج لان ماعندي شي اخسره ابد واذا تردين إسألي قياد من وين جابني .. لذلك ممهتمه لشي ..

ولازم تنفذين كل كل حرف من كلامي واالا راح تصير فضيحتج على كل ل**ن

زهره .. هه متكدرين مو بالسهوله ومحد يصدكج

زمن .. هههه لا عيني عندي دلائل واثباتات ومعرفه شخصيه ببنتج

زهره بصدمة .. جذابه

زمن .. بنتج تشتغل عاهره وبيت دعاره الي معرفه شخصيه بيها .. واذا متصدگين اسالي قياد .. منين جابني ويگولج .. اني جنت وياهه بالبيت وتعرفت على قياد وعجبته لان اشبه ورده وهسه رجعتله ورده ورح يعوفني احاجيهه ببرود وهي تفتر رايحه جايه بالغرفه ومكتفه ايديهه

اذا ماتزوجني قياد راح افضحج بكل مكان وادمر حياتج وحياة اهلج كلهم

زهره .. نجوم السما اقربلج تتزوجين قياد مو للعاهرات امثالج

زمن ... ههههاي .. اني عاهره وانت حالج من حالي بس الفرق بينه اني عندي ضمير ممفكره ولاراح افكر اتخلى عن قطعه مني واشمرها كأنها زبل اما انت بلا ضمير انانيه حقيره وان تزوجتي بالسر وزواج شرعي لكن حالج من حال العواهر ..

تزوجتي رجل متزوج اولا وبدون معرفة اهلج ثانيا استغليتي كونج ارمله ومشيتي وره غريزتج واخيرآ تخليتي عن قطعه منج وانطيتيهه لامراه متعرفيها حتى ولافكرتي بيوم تسألين عليها ..

زهره .. البنت وين هسه ؟؟

زمن .. تقصدين بنتج هه وتستنكفين تكولين عنها بنتي .. هههه (متستاهلين اكولج ان اني بنتج مستحيل حتى وان كانت عندج ذرة غريزة امومه متستاهلين اكولج .مدام ماحسيتي بيه من اول مشفتيني مراح اكول .. )

گلت هالكلام بقلبي وگتلها فكري زين ماشي ... وطلعت عنها مذهوله ومصدومه وجها اصفر ممصدگه كلامي

محد يستاهل الرحمه مني .. لان محد رحمني واول شخص راح يتعاقب هو قياد لان حبيته و**رلي قلبي بكلامه وراح اخلي يتندم ... ويحس بغلطه

رأسا رحت بوجهي لهوائل .. الي اعرفه ان هوائل تكره قياد لان الشيخ يفضله على الولد كلهم وتريد الزله عليه .. حتى متخلي يستلم الشيخه من ابوه ....

شفتهه بالصاله تاكل كيك بالشوكلاته .. بإيديهه عبالك طفله . گتلها عمتي هوائل .. شلون گولي للشيخ خلي يتزوجني قياد ونزلت دموعي وابجي يمها ..

هوائل .. تلوچ وتحجي بلحكها كومة اكل . ... ها ولج اي اي اريد اكله راح يخزينه وياج هذا

زمن .. لعد شون .. عفيه عمتي كوليله

هوائل .. اي اگله بس ساعديني انت ..

زمن ... تدللين بس فدوه عجليلي مو راح يروح .. هالكم يوم ...

هوائل .. ان شاءالله تعاي كعدي يمي نخطط

زمن ... خططنا اني وهوائل ... الوجهه الثانيه جانت مازن ... اي هو مازن لازم اروح اله واستعين بي ..

ورده گالت بيتهم هنا .. ومايضيع. . طلعت من البيت تلثمت ..بلثام اسود ميطلع بس عيوني وكحلتهم حتى. محد يتعرف عليه . واخذت نسخة عقد الطلاق.

وضميتها بملابسي مشيت بطريق ترابي ضعيف وبصفه نهر زغير مشيت بمحاذاته وطلعت منه

صارت گبالي مقبرة اطفال جفلت كلش بس بعدها تمنيت لو ميته واني زغيره حالي حالهم ولااتصرف هالتصرف

بس فكرت ان اني خسرت كل شي واصلا ممأمنه على حياتي خلي اقاوم لاخر نفس بيه وانتقم لنفسي من كل شخص سبب اذيتي .

ورحت امشي واتلفت وخايفه و اسأل على بيت الشيخ عساف ..ابو مازن ...

دلوني عليه قريب مو بعيد .. دكيت الباب طلع الي رجال سألته كتله هذا بيت الشيخ ابو مازن ..

كال اي

كتله اريد الشيخ مازن عفيه

كال هسه اشوفه ..

بقيت انتظر دقايق ..

اجه الرجال .. كال الشيخ مازن بمزرعة الخيول هناك ..

كتله عفيه وديني محتاجته

گال امشي ورايه ... مشيت وراه كان بستان .. وبعدهه وصلنا للمزرعه وبيهه سياج خشبي .. وحصونه مربوطه ..

كال اوكفي هنا ..

طب الرجال لمكان يمكن حضيرة للخيول وكفت انتظره ..

طلع الرجال ووياه شاب طويل اسمراني لابس زي الخياله وبيده السوط الي يض*بون بي الخيل ..

شكله هيبه .. اني واكفه اباوع اله شون يمشي باتجاهي .. اني لابسه عبايه اسلاميه ولازمه اللثام بثنين ايديه ليوكع وبس عيوني مبينه ..

مازن .. انه احب الخيل ..وعندي مزرعة خيول كبيره. كنت بالحضيره مالة الخيل جاي اجهز واحد منهم صاحلي العامل الي يشتغل يمنا كال اكو حرمه تريدك طلعت الها شفتها ملثمه .بلثام اسود . وبس عيونها طالعه .. كتلها انت منو وشتردين ..؟؟

زمن ..حجيت ويا بلهجتهم خفت لااحد يتعرف عليه ..كتله مو مهم انه منو ومااريد شي بس ياشيخ هل تقبلها غيرتك خطيبتك تكعد ويا رجال غيرك بنص الليالي .. والضهاري وتسولف ويا وهاملتك

مازن ...انت منو وشنو هالحجي هذا هاا

زمن .. اعتبرني فاعلة خير وجايه افيدك

ورده هاملتك وكاعده يم قياد نهارها كله وليلها وهاي انه جاي انبهك ..

ودرت وجهي عنه اريد امشي اجه صوبي ومد ايده عليه يريد ينزعني اللثام لزمت ايده وهو لازم لثامي وكتله لا لا ياشيخ ماعهدتكم هيجي تريد تجرد حرمه من حشمتها مع الاسف ..

مازن ..انت منو وتحجين على مرتي هاا

زمن .. انه اترخص يمكن ازعجتك بس انت المفروض تعرف من تصرفاتها وياك .. اودعناك يا شيخ ...

ودرت اله ظهري ومشيت صاحلي ياملثمه درت عليه بس وجهي كال شون اتواصل وياج كتله انه اجيك .. وكملت مشي ..

مازن .. صدمتني بكل شي جرئتها بعيونها ..

مبينه جاهله .. حيرتني منو هاي ماشايفها من كبل اشرت لواحد من العمال كتله روح اتبعها شوفها وين تطب ..

زمن ... حسيت شخص يتبعني حاولت اخلي يضيعني و..مشيت واسال ع السوك .. دلوني عليه .. جان وكت العصريه .. والشمس لسه ساطعه

..شويه .. طبيت للسوك .دورت على مكاتب استنساخ .. طبيت لمكتب استنسخت العقد ..

وطلعت .. وحسيت نفسي تيهت .. دخلت لفرع مشيت بي اي هو اجيت منه .. مشيت بعد ..واسئل على بيت الشيخ كريم ناس تكولي خلي نوصلج وناس توصف الي الطريق

المهم اليسال مايتوه وصلت للبيت كريب المغرب .. قياد ويا ابو .. صارت زهره بوجهي .. وينج من مساع وعيونها حمر ووجهه اصفر ..

زمن ..معليج بيه .. المهم شسويتي بلي كوتلج عليه

زهره .. تحلمين ..ولج تحلمين اخلي قياد يتزوجج

زمن .. لعد كيفج ودرت ظهري الها ورجعت درت وجهي وشمرت بوجهه نسخه من عقد الطلاق وكتلهها هاج هاي نسخه الج هديه وباقي النسخ يم شخص

ثقه اذا لعبتي بذ*لج واذيتيني راح يجيبلج بنتج الع***ة لحد عندج وباقي الدلائل والاثباتات .

ثقي بالله الظلم مايدوم ابد ولابد ان تنكشف الحقيقه بيوم ..

عفتها وجها شاحب .. وخايفه مني كلش ولا عبالك ذيج الي جانت تعاملني بتكبر هسه ترجف مني

صاحت عليه كالت ..بس قياد باجر يروح واني هم ..

كتله ميهم شورانه ممستعجلين .. احنا ..

ودخلت للغرفه شمرت الشال بالارض .. واحس اكو صراع بداخلي تعبني بين الشر والخير الجانب الشرير يكولي عفيه عليج زمن احركي بيهم الاخضر واليابس مو ذول الي شمروج وانت طفله بريئه ..

جانب الخير يكول لا زمن ورده وقياد مو ذنبهم ليش تاذيهم ..

الخ يكول لا ورده مذنبه مخطوبه وتتواعد وي حبيبها وقياد يستهين بيج ويهينج رغم يعرف كلش زين انت جاهدتي وصارعتي وواجهتي الموت من اجل شرفج ولسه يعيرج ويسمعج حجي ..

وبالاخير انتصر الشر الي بداخلي ولازم اخذ حقي ... قياد لازم يتعاقب لان اهاني وورده هم خاينه وتستاهل وزهره اخخ زهره الها اشد عقاب راح يكون ..

مازن .. اجه العامل وكال ضيعتهه مهتميت ومشيته كتله مابيييييك فايده بصوت عالي ولي من كدامي ..صدمتني هالبنت والاكثر

صدمتي بورده مو معناهه صدكتها بس ورده تصرفاتها وبرودها ماعجبني ..

لازم احط حد الها بعد ماكملت شغل ..رحت للبيت بدلت صار المغرب وطلعت لبيت عمي .. المغرب .. تقريبا .. دكيت الباب طلعتلي ام ورده .. سلمت عليها ..

كتلها وين ورده كالت فوك بالبلكون اتفضل اصيحها الك كتلها لاانه اصعد الها من رخصتج اذا تقبلين..

كالت اي كلش عادي ابنه انته مو غريب

صعدت وسمعت صوتها تضحك .. طلعت الهم .. شفتها تسولف وتضحك .. دخنت كلش كلت سلام عليكم هم جفلو ردو السلام .. لزمتها من ايدهه

كتلها شعندج هنا ..

ورده ... دائما المغرب اطلع بالبلكونه الي بصف بلكونة بيت عمي واحاجي قياد ..

جفلت من شفت مازن بس حمدلله جان كلامنه طبيعي بساعتها ..

لزمني من ايدي كال شعندج هنا كتله عوف ايدي وطبيت جوه نزلت وهو ورايه .. ع الدرج لزمني .وكلي. ورده شنو الي شفته فوك

ورده .. عوفني مازن مصختها تره اشايف قابل انته

مازن ..منو الي مصخها ولج متحملج بمرج ومابيج كل حلو وكاعده تقصقصين ويا بعز الليل وتكولين مصختها وانه اطلب منج الضحكه والسالفه ..وتتعززين عليه واتمناهه منج منيه وانت هيج تجازيني ورده

ورده . مدام هيج عوفني عوفني مازن مااريدك كوه

مازن .. لا ولج لا مو انه الي اعوفج اله ماراح اسكت والله وراح تشوفين ..

بهالاثناء اجت امها ابوها ماموجود ...

ام ورده .. خيركم شسالفه ليش صوتكم طالع ..شبيك تصيح مازن

مازن.. عمه الكلام وياهه انتهى كلامي ويا عمي صالح وعمي الشيخ كريم وراح اخلي حد الكل شي اودعناكم ..

طلعت من بيتهم ..مصدوم اكثر مو من ورده من البنت الي اجت الي ووشت بيهم وطلع كلامها صحيح ..

رحت لبيت اهلي واخذت ابوي وحجيت اله كل السالفه ..

اخذته ورحنه البيت الشيخ كريم هو ابن عم ابوي دخلنه سلمنه .. عليهم .. وبدا ابوي بالكلام

الشيخ عساف .. شيخ كريم انت ابن عمي وتاج راسي بس مايصير ابنك الجاي من بغداد يوكف ويا خطيبة

ابني مازن .. ويقصقص وياهه بعز الليل تره هي حرمتنا وعيب عليه هجي يسوي ولان احنه اهل ماانريد مشاكل وفضايح ..

خلي ابنك يلزم حدوده ..

الشيخ كريم بصدمة شنوو هالكلام معقوولة

جاوبته اي معقولة وشفتهم بعيني واسأل ابنك شوف شنو رده

الشيخ كريم :- .. ان شاءالله اخوي عساف انت ابن عمي وعزيز كلبي تدلل دباره يمي قياد ولايهمك انه احاجي وامسحها بلحيتي .. محشوم ابو مازن

مازن ..عمي هالمره الخاطرك هاي وانت غالي .. وحشى مانشوف منك قصور .. بس لازم يلزم حدوده

وطلعنا بعد مااتفقنا .. ويا يحاجي ابنه

قياد .. باخر ليله .. قبل لااروح البغداد .. اللتقيت بورده بالبلكونة .. فجأة دخل مازن سلم بعصبيه ولزم ورده من ايدها يحاجيهه بعصبيه ردت اتدخل بس ورده طبت جوه بسرعة وهو طار وراها ..

بقيت افكر شون شراح يسويلها شون بالله هسه اروحلها ..بس لا بصفتي شنو اروح وهي خطيبته ..بقيت بقلق عليها ...

بعدها بنفس الليله .. صاحني ابويه وتفاجئت .. بي معصب ويحجي عليه ..

شيخ كريم .. ليش ياقياد وانت اعز ولدي تنزل راسي كدام ابن عمي .. ليش هاي من يمته تتواعد وي ورده من وراي ويجون يشتكون عليك

قياد ..يابه البنيه ماتريده وغصبا عليهه قا**ه بي

شيخ كريم .. وانت شنو دخلك .. بيهم البنيه بنت عمه ومن حكه ينهي عليهه ويخطبها هذا شي متفقين عليه وهسه هي مرته بالشرع عاقدين سيد

انت شنو تدخل تالي عمري تنزل راسي بالطين ولك تعاي زهره زهيره تعااااي هي هايه تربيتج هاا هايه شوفي شجاي يسوي يريد يفشلني .. يطيح حظي

زهره بخوف.. هدي ياخويه يابو حسين هدي .. قياد بوس رراس ابوك يلا وتعذر منه

قياد ...اريد ابوسه هدني وصار يعيط مااريده لايتدنالي اذا مايصلح حاله وباجر اخذك و انروح نعتذر الهم .. وراح طب بغرفته ..

زمن اجتني هوائل وحجتلي شسوت ويه الشيخ

كالت .. رحت تبعته وكعدت يمه ع التخم الي بالغرفه وصرت احاجي .. ياشيخ هذا قياد تره ... مصخها من زام ورده ومن زام ثاني هالبنيه اليتيمه متوليها حيل خطيه ..

شيخ كريم .. شهالحجي ام حسين مو الهالدرجه

هوائل .. كيفك شيخ هالليله بالوحده كايللها تعاي يمي بالغرفه تونسيني لو اشمرج بالشارع

شيخ كريم .. سكتي هوايل سكتي وكومي يلا.. تهدين عليه لو تزيدين ناري تيزاب كومي ولي يله ..

زمن ... صرت اضحك بهستيريا من سمعت كل الي صار بقياد .. وبعد وبعد ميدري الي ينتظره مني دكت الساعه ب1:00اشرت الي هوائل هوله ..

الي تكره قياد .. وتتمنى تنتقص منه وهي معتبرتني شي مو من مقامهم واذا تزوجت قياد راح تقل قيمته

واذا خلفت اله جهال راح يكولون امهم ماالها اصل ولا فصل هيج راح ترتاح هووله ..

فتحت شعري كفشته وشويه شككت من دشداشتي من فوك .. ورحت اله وبالصدفه جان كاعد دخلت عليه ..

قياد ..جنت كلش ضايج ومالي خلك روحي كلام ابويه ضوجني وماقبل يرضا عني وحسسني بان انه منزل راسه

وفكري يم ورده لااحد ماذيهه لو هذا مازن مسويلهه شي لو اكيد راح اسمع خبر زواجها بالايام الجايه

كلش ماتحملت الوضع وانه اتعلمت بالايام الاخيره اشرب شويه اذا ضجت من شغلة ، طلعت اشتريت الي وكعدت اشرب وحدي بالغرفه ..

زمن ... تفاجئت من شفته ديشرب كلت اي هاي بصالحي ..

دخلت بس خفت منه وانتظر هوائل تدز الشيخ كريم الي ويشوفه ويايه بهالوضع ..

رحت كعدت يمه بس كلبي يرجف .. هو كاعد على السرير ومشغل بس ضوه الثريا لونه اصفر خافت ..

طبيت اتمشي وصلت يم رجلينه كعدت باوعني عيونه حمر . جفلت منهم .. من باوعته .. باوعني صاح ورده وكفت على ركبي وخليت ايديه على رجلينه وباوعت بوجها بعصبيه

كتله اهوووو هم ورده متكولي شجلبت لك ورده مخطوووبه مخطووووبه شبيك فك فك منها باوع داير مدايرك حتتخبل انت

لزمني من ذراعاني وشمرني على الجربايه وصار فوكي صرت ابجي وادفع بي قوي بداخلي كلش خفت لج وينج هووله متدزيلي الشيخ واباوع على الباب ..

وجان تنفتح الباب وطب الشيخ بصيح ومعصب وهوائل وزهره دخلوا وراه ..

وللحكايه بقيه