أنثى في معتقل الخطيئة

كف البنت للام

انثى في معتقل الخطيئة

نورا ناصر

زمن ... اخذت العلبه .. ورحت .. وين اضمها ياربي وين .. !! شايلتها ومحتارة بيها واضمضم بيها بملابسي

طلعت للبستان .فتحت العلبه اخذت منها الكلاده وورقة الطلاق .... شمرت العلبه كلها بالشط

ورقة الطلاق اخذتهه ...

وطبيت للبيت .. وين اخبيها لازم اصورها .. لازم استنسخها .. كل شي يصير وكل شي اتوقع ..

قبل المغربيه بشويه .. الكل طالعين قياد ويا ابو طالع للديوان وزهره وامها يم الطبيب ..

شفت ورده سلمت عليها

كالت همزين اجيتي ضوجة حيييل تعالي ويايه لبيتنه .. كتلها ماشي ورحت وياهه ..

طبيت للبيت اول ماطبيت شفت امها وابوها الي هو ابويه بس مايشرفني اگول عنه ابويه ..

اول ماطبينه للبيت وشفت طالح على گولت الحجيه .. احس اطرافي جمدت ووجهي صخن ردت اوكع كوه سيطرت على نفسي ..

باوعتله ياتره ياصالح تعرف بوجودي لو لا بس اكيد زهره متوسله بي يتزوجها بس هو مو قابل

ويمكن يعرف هي شمرتني ..

نظرات الحقد مكدرت اخفيها كعدت بعد ماكلت سلام عليكم بتلعثم واحس بالمرض ..

ورده .. يمه يابه اعرفكم على صديقتي الجديده زمن

صالح .."هلا زمن واللتفتت الورده هاي منين جبتيها زمن عبالك تشبهج

ورده .. هههه صدك ممنتبهه

ام ورده .. هلا بنيتي شونج

زمن ..الحمدلله خاله

ورده .. زمن دخيله ابيت عمي شيخ كريم تعرفت عليها بحفلة رحمة ..

ام ورده ..هلا بيج بنيتي لعد وين اهلج

زمن .. باوعت الصالح وگلت ابويه قبل لاانولد ميت وامي توفت من اسبوعين ..

ام ورده... الله يرحمهم ان شاءالله .. شتصيرين من بيت ابو كريم انت

ماصير الهم خالة اني جنت اساعد زه قصدي خالة زهرة وجيت وياهه لهنا

من كلت زهرة باوعت لصالح وهو باوعلي شويه ودار وجهه وايده على لحيته

ورده من رخصتكم انه اخذ زمن للغرفة .. امشي زمن نروح لغرفتي اشوفجياهه

زمن ...هزيت راسي ورحت وراهه .. دخلنا الغرفتها .. الغرفه تجنن كلها ورديه بناتيه .. كعدنا اني وهي .. وظلينا نحجي

ورده ..زمن انت شنو دارسه

زمن ..سادس ابتدائي... ببرود ..

ورده ... اهاا تعرفين تكتبين

زمن ..اي

ورده .. زمن اني عمري 19سنه وان شاءالله السنه الجاية ارجع اكمل

زمن ..ان شاءالله ..

ورده .. انت جيتي وي قياد مو

زمن ..اي ويا ..تحبي القياد ورده

ورده ..شمعرفج

زمن .شفتج يمه وحسيت

ورده ..اي احبه من جنا زغار نحب بعض

زمن .. هو همات يحبج (گلتها بحزن) وكملت ..يلهج ل**نه باسمج

ورده ..شون عرفتي ..وهم سامعته يحجي بيه ..

زمن ..لا...بس مبين عليه والعاشگ يلهج ل**نه باسم معشوگه ..

ورده ..ابتسمت ببرائه فدوه زمن .. كلامج حلو وحضنتها اني حبيتج زمن ماادري ليش ارتاحيت الج

زمن .. حضنتني بعد لحظات يله كدرت احضنها وگلت الها بقلبي .. انا الموت الج ورده مامفروض تحبيني

بعدهه وخرت مني كالت فدوه زمزم ادعيلي بأن اتزوج قياد .. واخلص من مازن

زمن .. منو مازن

ورده ..ابن عمي مازن .. وخطيبي ..قبلت رغم عني

زمن .اها انت مخطوبه

ورده ..اي راح اشوفج صوري ولو مااحبهم اتمنى قياد مكان مازن ...

...طلعت الصور شفت خطيبها .. الي هو ابن عمها ونفسه ابن عمي شاب اسمر ضخم ..

لابس الزي العربي وياهه بالصور .. گلت بگلبي ايييه يورده بكلشي مبخته ..

ابن خالي الي هو قياد يحبج وابن عمي الي هو مازن خاطبج

قياد احمراني وعيونه زيتوني

ومازن اسمراني وعيونه سود . شنو فرقي عنها .. ابويه مثله ابوها وامي هم بنت شيوخ وبالك عنهم ..انعصر گلبي .

گتلها مازن وين بيتهم. .

ورده .. هنا بيتهم قريب علينه ..مو بعيد احنه هنا المنطقه النا هي كلها كلنا اهل

زمن ..اها ..

. الي آلمني اكثر .. طلعت الي ملابس

ملابسها گالت مااريدهم اكيد على قياسج لان انه ضعفت هوايه انت جسمج حلو .. اخذتهم منها نبتت اصابعي بيهم بغضب ..گتلها يلا اروح اني اصلا مو كادره ابقى ابداا ..

ورده ..ماشي حبيبي ... نلتقي بغير وقت ..

راحت زمن شكد حبيتها هالبنت ..بيهه ريحه من قياد احس ماادري ليش گلبيي ارتاح الهه بعدها اجه مازن وابوي صاحني گال تعاي ورده خطيبج يريدج

ورده .. يابه ضروري اشوفه يعني

صالح .. شون لعد مو خطيبج لازم تطلعين تسلمين عليه يله ثواني والگاج يمه ..

ورده ..لفلفت نفسي بسرعه وطلعت ..اله .. شونك مازن گلتها اله ببرود ..

مازن ..

انه مازن ابن الشيخ عساف .. عمري 30سنه مامتزوج من كم سنه وانه انتظر بت عمي ورده .. تصير الي كلش جنت اعشگهه بس من خطبتهه حسيت بيها حييل بارده ..وياي مااعرفت ليش .. صرت مااحب اروح اشوفها .. اتجنبها .. اختي تروح عليهم تكول تعبانه وراهه عمليه .. اعذرها .. انه ماكلت باطل ابد هاي هيه ..على راحتها بس اشتاقلها واروح الها اشوفها بين فتره والثانيه ..

ورده شونج انه الحمدلله انت صحتج شونهه

ورده ..مازن شبيك كل مره تذكرني بصحتي تره افتهم انه مريضه بس مو هيج ..

مازن ..على كيفج يابه هاي عود اسئلج عن صحتج هيج تجاوبيني ..

ورده ..اسفه مازن {ببرود} بس ماحب هذا السؤال ينرفزني

مازن ..ماشي المهم..جبتلج شغلات بالعلاكه

ورده ..ليش تعبت نفسك ..

مازن .. اترخص انه محتاجه شي ..

ورده ..سلامتك

صالح :هاا مازن ابقى للعشا وين رايح ...

مازن .. لا عمي مااكدر والله مشاغل لازم اروح

صالح.... براحتك ابني امشي اوصلك للباب

مازن ..لاعمي خليك مع السلامه ..

صالح ..الله وياك ابني ..

ورده ميصير هيج تعاملينه لخطيبج انت مو وافقتي بارادتج ..

ورده ...يابه انت تدري وافقت عليه لخاطرك انت لذلك اتحملوني تعبانه انه ياابوي گلتهه بانزعاج .. وانفخ واتأفأف ..

ام ورده ..على كيفك ياابو ورده خليهه على راحتها شجم ورده عدنا

ورده ..يمه ماصار شي ..تردون شي طالعه بالبلكونه اشتم هوا ..

ام ورده .. طلعي امي طلعي حبيبتي انت ..

طلعت بالبلكون ..دگيت لقياد ..اجه ...

هاا اليوم ماكو گتله

قياد ..هلا حبيبي .. من شوي اجيت جنت ويا ابوي

ورده ..ههههه

قياد ..تضحكين ولج خزرتها وابتسمت

ورده ..ملابسك واللهجه فد شي

قياد ...شونج اليوم من شويه شفت مازن طالع منكم شيريد ..

ورده .. اجه يشوفني ..عود... باستهزاء...

قياد ..شوكت رح نخلص من هالموضوع ورده مو كافي ...شوكت تفسخين

ورده ..عن قريب ياعيوني .. قياد كلش حبيت زمن حبابه ودخلت گلبي ..

قياد ..وين شفتيهه مره ثانيه ؟

ورده .. جبتهه يمي للبيت

قياد .. خررب

ورده ..شبيك ليش خررب

قياد ..ماكو شحجيتو .. ؟؟

ورده ..زمن تگول قياد يحبج

قياد ..اي وبعد

ورده ..فرحتني الهشي

قياد ..وبعد شگالت

ورده .. شبيك قياد .. وبعد تعرفت عليها وصرنه نسولف ..

تمام اني هسه رايح ديري بالج على نفسج

ورده ..ماشي حبيبي باي نزلت

قياد .. خررب هالزمن هاي ولاتاخذ الكلام ..

رحت لغرفتها .. ماكو مموجوده ..سألت عنها ام علاء گالت والله يمه يمكن ع الشط گاعده هي هيج وكت تكعد هناك ...

رحت للشط ... شفتها ...

زمن .. عفت ورده رحت للبيت احس رجليه مداتحملني ..الوجع احسه بكل مكان بجسمي ..

لزمت قطع الملابس وشككتهم بيدي واحس نفسي منتهيه ماكو بجسمي قوه اشككه ع النص واوكع .. خليتهم بعلاكه .. ورحت للشط شمرتهن ..

وكعدت انحب نحيب على حظي لو باقيه ابيت نوال ولاكمية هالوجع الي دااحس بيها صعب الاحساس بالظلم .. صعب اشوف اهلي مرتاحين ومتنعمين واني مشموره ببيت دعاره واسمع .. اهانات شخص حسسني بالامان وحبيته بس هو يساعدني شفقه منه لااكثر ..... سمعت صوت ورايه .. يگولها بعصبيه زمن زمن ...

درت اله .. ها

قياد .. شگتلج اني مو گتلج متروحين يم ورده ليش رحتي ..اباوعلها عيونها ... حمر ومغورگه وخشمها ينزف دم تريد توگع لزمتهه .ساحت بين ايديه . وكعدت ع الارض مددت رجليه ومخليها بحظني

لزمتها من خدها حاره نار حرارتها مرتفعه .. صرت احاجيهه زمن زمن ..تفتح عيونها وتسدهم وتگول بصوت متعوب تعبانه تعبانه .. وخربت ..شلتها وديتها للبيت تلگتني اختي رحمه .. نومتها على القنفه .. وراحت جابت كلين** ومسحت الدم من خشمها وجابت مي دافي ووصله سوت الها كمادات .. وانطيناهه علاج .. حرت بحالتها اول مره اشوفها هيجي ..

زمن ..بعد مرور يوم كامل ..حسيت على نفسي وكمت على حيلي كل الي اتذكره كنت بحظن قياد فكري مشوش خايفه لا واني بحظنه كتله احبك او اعترفت بحبي اله .. بقيت بالغرفه. . سمعت دگت الباب گلت تفضل .. طب قياد

قياد ...هاا زمن شونج اليوم ..

زمن ..احم كحيت وارتبكت خايفه گتله زينه بتوتر

قياد ..ماشي عندج العافيه ..شبيج شصارلج

زمن .. ماكو سلامتك بس تعب شوي

قياد ..اي ..احنه بعد باجر حنروح لبغداد ..زين

زمن .. خررب .. حيروحون .. لازم اتصرف قبل ليروحون ..وانت ياقياد راح تدفع ثمن ..كل إهاناتك الي .. گتله اوك .. عافني وراح ..

كمت على رجليه الوعكه الي تعرضت الها .. حسيت انطتني جرعه من القوه .. لازم أدبهم كلهم .. ومحد يخلص من عقابي ..

نزلت من الفراش .. رحت غسلت وجهي وبدلت .. ملابسي ..

طلعت بالبيت شفت بوجهي زهره جانت بالممر صحتلهه زهره

زهره .. شكو زهره ولج احجي عدل ...

زمن .. هه مگتيلي شخبار بنتج الي جبتيها من صالح وشمرتيهه بيد القابل ..

زهره ... شنووو ولج

زمن ... صفگتها راااااشدي فريتهه فرررر

يتبع ...