أنثى في معتقل الخطيئة

الحقيقة

انثى في معتقل الخطيئة

بارت 11

نورا ناصر

قياد... ولج زمن شبيج عقلج انض*ب اشو تهددين .. باعي ولج هنه تلث ايام باقينهم هنا اذا ماصرتي ادميه .. اخذج اشمرج على بيت نوال هي خليها تتصرف وياج الظاهر بس هي دواج

زمن ..اني صدك انصدمت ..حسيت على نفسي.. لازم ابقى هنا واعرف شنو الفلم يمكن اني بنتهم ..

خليت ايدي على حلكي وصرت اتصنع البجي

واتوسل بي لاا فدوة لاااا التوبة اسفة اني مدري شبيه والله صدك عقلي انض*ب

لزمني من ايدي وگال لتظلين تفترين بالبيت بنصاص الليالي وصيري ادميه ودفعني صوب المطبخ

وكال يلا كدامي ع مكانج ولي نامي ومره ثانيه خلي على راسج شي لاتمشين مفرعه

رحت امشي واتلفتله رحت لمكاني تمددت وافكر يعني اني اذا بنت زهره قياد اخويه

فكرت هيج ولطمت على وجهي صخام صخمني ذيج الليله عززااا لو لازمني اعووذ بالله اعوذ بالله ونوب احبه لاياربي كون مااطلع اخته لالا موواخته مستحيل زين الشيخ شيصيرله .

بين كل هذه الافكار دخلت ام علاء تريد تنام .. اي هاي عدهه اجووبة على اسئلتي

رحت يمها كلتلها خاله قياد شيصير للشيخ كريم ..

كالت قياد ابن الشيخ كريم

كلتلها لعد وصباح وزهره

كالت زهره عمة قياد اخت الشيخ كريم من امه وابوه

..ماتت امه من هو وزغيز. خذته عمته زهره ربته وهالتشوفي كبر صار زلمه وموبعيده يصير شيخ

..كلت بفرحة عارمة الف الحمدلله والشكر ..

كالت بصدمة هاا شبيج ولج ؟

كتلها الحمدلله على كل حال

كالت اي يلا نامي يمه نامي .

خليت راسي على المخده وافكر حمدلله مو اخويه يصير ، الف حمدلله نوب سكتت ولج زمن من كل عقلج فرحانه ذول اهلج لا مستحيل مدااصدك لازم الكي طريقة اثبت بيها هالشي .

نمت وعقلي تعب من التفكير بالموضوع كعدت الصبح ..حضرت الريوك وياهه ودامر على غرفة الحجيه هم سمعت صوت حجي

وكفت يم الباب اتسمعت دتحجي ويا زهره على نفس الموضوع ..

تگوللها زهره يومه البنيه راحت من زمان شالت البغداد ..انت شبيج توهوسين دسدي هالموضوع اله تذكريني بي..

امها تكوللها ولج جانت عندي علبه بيها ورقة طلاكج من صالح وبيهه الكلاده مالتج الي غلطنا وانطينه النص الثاني منها للقا**ه ماادري وين خلتها ايدي ..

هي لطمت على وجها يوم موكتلج تلفيهن شكوو محتفظة بيهن لهسه ..

جاوبتها ولج الكلاده ماايهون عليه من المرحوم امير ابن اختي والورقه دليل خاف كل شي يصير يجي يوم نعتازهه

وظلن يحجن واني اتلفت.واتسائل منو صالح هذا منو وهي العلبه لازم الگيهه .عفتهم طلعت للبلكون.

شفت ورده باوعتلها بعيون غاضبه .. وبقلبي اكول هاي قصتها شنو بعد .. هي ابتسمت الي ..ابتسامه بريئه حلوة

مگدرت ماابتسم الها كالت منو انت؟

گلت الها اني زمن

كالت منو زمن ؟

اريد اجاوب بنفس اللحظه طلع قياد

كال صباح الخير وهو يبتسم لورده ..

ردت ورده عليه لزم ايدي عصرها حيل توجعت

كال زمن روحي يردوج جوه .. رحت اني .. وبقوا هم

قياد... علاقتنا اني ورده رجعت مثل الاول وبليلة خطبة رحمه اختي .. گعدنا بالليل بالبلكون وسولفنا ووعدتني تترك مازن ..والصبح شفت زمن يمها .. عبالك توأم بس اكو اختلاف بينهم ..بسيط

ابتسمت لورده

گتلها شكد الحلو الصبح من الواحد يصبح على الورد

ورده .. خجلت ودنكت

قياد ..شسويتي بالموضوع الي گتلج عليه

ورده .. ياموضوع

قياد ..شبسرعه نسيتي ورده شسالفه تره مبقى شي واروح لازم تحاجين ابوج حبيبي وتكوليله انت متريدين مازن ..وذبيلج كم دمعه كدامه شبيج صدك جذب شهالفطارية الي انت بيها ترة دتحركين اعصابي والله

كالت قياد شبيك صووتك لايسمعوك وظلت تتلفت وراها

..اوكي اني هسه فايت جوه وبعدين نلتقي بالبستان نحجي بالتفصيل ماشي

هزت راسها وابتسمت وهمست ماشي حبيبي

..ضحكت حبيبي! الله صار هوايه مسامعها منج ...

ورده ..ادعي الله مازن يتركني وتسمعها كوومه

زمن .. تسمعت للحجي كله دااحس نفسي صرت جاسوسه .. دخل قياد بس قبلها ختلت وره البردة مال باب البلكونه ..

شفته راح .. طبيت للمطبخ .. شاف*ني هوائل مخصره وواگفه وتتضحوك وتغمزلي ..

ابتسمت الهه هههههه باستهزاء بس بدون مااحسسها ..

جان تكلي طلعتي مو هينه ياليتيمه المكطوعه من شجره شجنتي تسوين بنصاص الليالي يم قياد ودفعتني بالشقه عود وهي ضخمه واني ضعيفه وكعت بالكاع

وكمت اضحك كالت كومي كومي لايكين انت ويا احسن من بت صالح

كتلها يابت صالح

كالت ورده شبيج ..

جفلت صالح وزهره وزواجهم السري ورده اني اشبها لالا اني ابد مدااجمع .. ابد ...جان تقاطع افكاري هوائل جان تكول وين صفنتي ولج ..

كتلها ماكو .. طلعت رحت دورت على ام علاء .. شفتهه جاي تحلب البقرة .. طلعت وراها ..

الله شكد حلو كتلها خاله خلي اجرب احلب البقره كالت ماتخافين كتلها هي ماتدفرني البقره مو

كالت لا اليفه متعوده ..

شكلت دشداشتي ولفيت شالي مثل المصريات لوره راسي وشديته ليفوك وركبتي طالعه كعدت ع التخت الي تكعد عليه ام علاء

وكعدت احلب البقره ..اخذني الواهس والله شي حلوه كملتها لاخر قطره هههه كالت ام علاء كافي خطيه خلي حليب لابنها يرضع منها كتلها ماشي .. وكمت صار بوجهي قياد جان صافن عليه ..

قياد .. رحت ادور على زمن انطيها توجيهات واوامر سألت عليها كالو بالحضيره ويا ام علاء رحت شفتها متشكله كاعده على التخت وسيقانها طالعه وشعرها من وره واصل للارض كامت واخذت سطل الحليب بايدها يردن يطلعن ..كتلها اوكفي زمن احاجيج ..

زمن .. انطيت سطل الحليب لام علاء اخذته وطلعت .. اني نزلت دشداشتي من الجوانب وكفت يمه اسمعه شيحجي

قياد ..اولا هذا بيت شيخ مو بيت دعاره مشكله ملابسج ومطلعه سيقانج ليوين وماخذه راحتج عوفي اصلج شويه واحترمي البيت الي انت بي

زمن ..اووف موتني كلما يشوفني يسمعني هالاسطوانه المجروخه .. كتله المطلوب شيخنا

قياد ..بعصبيه گلتهه انستري وخزرتها ..وورده ديري بالج تزودين ملح وبهار وياهه خوش زمزميه ومررت اصبعي على خدها ..مااريد اشوفج يمها مره ثانيه وتصرفي زين خوش ..

زمن ..سكتت اباوعله ومخليه كف ايدي على الثاني گال بنتر گولي خوش

گتله عفيه كول هيجي احجي عيرني مدتعرف شكد دتساعدني انت

خله ايده على الخشب لان الحضيره من خشب وحديد تقريبا اني كنت منتكيه على الخشب

گال اي دااكلج هيج دااذكرج باصلج حتى لتنسي وتنسين نفسج

..وطلع هو

واني بقيت دمعت عيني شكد صعبه احبه ويعيرني باصل مو اصلي يعيرني بمكان عشت بي رغم عني ومالي ذنب بي ولاسويت بي ذنب وهو يعرف كلش زين شكد حاربت علمود شرفي ..بس هو مدري شبي

شكد صعبه احبه ويحب غيري .. هاي اصعب شي شعور الغيره صعب وكلشي بداخلي ديتحول حقد وحب الانتقام. ..

دااكوله تساعدني بهالكلام من صدك ديساعدني اركز بمعرفة اهلي الي ظلموني .وشمروني كأني زباله مو روح من دم ولحم .

وانتقم منهم ..شر انتقام .. طلعت من الحضيره صارت بوجهي هوائل وتأشرلي من بعيد ضحكتلهه صدك هوله

رحت الها اشرتلي الحضيره بعد امتار عن البيت .. وصلت يمها جان تكولي وهي تضحك ها جنتي تلبسين ملابسج ..

كتلها ها لابسه

جان تكول يا وانت لابسه هههه مو حلو ولج مالكيتو اله الحضيره تتواعدون بيها؟؟

اني صفنت هاي شتقصد عقلي مدا يوسع لكل هالافكار عفتها طبيت للبيت صارت بوجهي زهره ..

**يت ايدي صكيت اسناني .. باوعتلها بنظرات حقد .شوكت يجي اليوم الي اض*بج ووفي نذري . گالت شبيج

رخيت نفسي گتلها ماكو

گالت العصر راح اودي امي للطبيب اريدج تدورين غرفتها كلها .. اكو علبه ذهبيه اريد تطلعيلياهه خوش؟ وتجيبيهه الي

تحجي بتكبر وعجرفة..

صفنت كلتلها جيتي برجليج الي يزهره ادورها واطلعها واطلع امها تدللين .. عفتها

طبيت للمطبخ اساعد ام علاء .. صرت احاجيهه گتلها خاله منو صالح

ام علاء ..ليش تسألين

زمن .. هيج يحجون ورده بت صالح وورده بت صالح

ام علاء .. هاا صالح ابن عم الشيخ كريم ماعنده بس هالوحيده ورده ومريضه مسكينه بمرض القلب ومخطوبه. لابن عمها مازن ابن الشيخ عساف .. اخو ابو وررده

گتلها .. اهاا تمام .. كلش تمام

كالت اي يلا صبي الحليب صبيته وكملنا الريوك

الكل ملتهي بالريوك .. اخذت كلاص الحليب حار وريحته طيبه بي هيل ..

ورحت على البلكون .. تنفست بقيت دقايق احسبها براسي ..

داايخه كلش احس صخنت مدااكدر افكر .. اخذتلي رشفه من الحليب وغمضت عيوني ورده بنت صالح ورده تشبهني اي تشبهني لان تشبه صالح .. الي هو تزوج زهره بالسر وعافها حامل بيه جابتني زهره وشمرتني بيد امي سمر واخذت قياد ربته ..

شمرت بنت بطنها من دمها ولحمها وربت ابن اخوها .. قياد مو اخويه قياد ابن خالي .. ولو ماقياد جاي بذيج الليله لبيت د***ة نوال .. وشافني اشبه حبيبته ورده

جان اني هسه عاهره اي عاااهره ...

ورده .. هلو زمن

زمن .. باوعت شفتها ورده . كتلها هلو ..

كالت من تخلصين شغلج تعالي للبستان نسولف اني وياج ضوجة وماعندي احد اسولف وياه وانه ارتاحيت الج ..

ماادري ليش ورغم تحذيرات قياد گتلها ان شاءالله

گالت انه ماعندي صديقات تصيرين الي صديقه

گتلها اكيد .. بدون ملامح واحساس دايخه كلش .. ومصخنه احس. ...هي ضحكت واني طبيت ركض ..للبيت بعد مااسمعت ام علاء تصيحلي

بين شغلي وخطاطيرهم الماتخلص .. كملنا كل شي قبل الغدا بشويه .. طلعت للبستان تعبت حييل بين تفكير وشغل كلش هلكت وحرارتي ارتفعت ..

بقيت اتمشى ماادري وين اروح صرت امشي امشي بدون وعي سمعت صوت بالبستان .. طليت لكيت قياد وورده بين الاشجار كاعدين على مصطبه وصوت ضحكهم وسوالفهم مسموعه .. كعدت ع الكاع وره نخله خليت ايدي على خدي احس تعبت واسمع الهم ..

قياد .يعني هسه رجعت علاقتنا مثل قبل سنتين مو

ورده .. اي بس بوجود مازن

قياد.. اووو جبتيلي سيرته مو دنضحك ونسولف

ورده .. قياد شون راح اعوفه انت تدري بي مو هين

قياد .. لزمتها من كتفها درت وجها عليه يعني شيسوي يكدر يمس شعره منج اكلب عليه الكون

ورده .. خايفه عليك انه قياد

قياد .. هههه هالكد اني جبان تخافين عليه

ورده ..لا مو جبان وانما احبك احبك

قياد .. هههه والله احلى كلمه سمعتها هي هاي من سنتين

ورده ...شراح اسوي هسه

قياد ..كليله لمازن. مااريدك وفضيها

ورده .. ابوي يزعل قياد ماارضى على زعله انت ماجاي تشوفه شلون يحتار بيه من اتمرض

قياد ....بستها على راسها وكلت الها تعاي يمي اصير الج علاج مو بس احير بيج

ورده .. نمت على ص*ره فدوه انت علاجي

زمن .. ضحكت بألم ههههه ايي يتغزل بيها واني يسمعني اهانات ويعيرني وياهه حنين كلش ووياي نذل وحقير وسافل .....

كمت على حيلي ورحت للبيت صار الظهر نمت شويه كعدت هم مصخنه صاحتلي زهره گالت يلا طالعين للطبيب روحي دوري العلبه واريد ارجع اشوفج لاكيتها

كلت الها خوش تدللين ..

رحت للغرفه .جانت يم امها بالغرفه تكوللها وين شامرتها كلتلها يمه نسيت صار سنين هالكنتور على حطته .

الكنتور جان طابقين بي دواليب فوك عاليات طلعت هي وامها واني استلمته نبشته نبش ..

مالكيته بالدواليب ولا بالكنتور نفسه .. اخذت الماسحه وصرت ابحوش فوك الكنتور كلش واقرب الغراض .. شمرت الماسحه ..جتي بأيدي العلبه اي هاي نزلت ..

وفتحتها شفت بيها ورقة طلاك زهره وصالح ...هلا هلا موتج يمي يزهره .. زادت صخونتي كلش مديت ايدي شفت كلاده ميداليتها نفس ميداليتي نسخه منها ..ايي ايي اني بنت زهره هسه كلشي توضح ..

وللحكايه بقيه ...