GINULAT muli ni Yumi ng Black Assassins ang marami nang talunin niya si Harada na captain ng Star Rusher. Nakapamaywang pa siya na nag-peace sign sa mga manonood at naghiyawan ang maraming male players.
"I love you Miss Yumi!" sigaw ng karamihan.
"Talaga nga naman... napakaselosa pero siya itong pinapasikat ang sarili..." pailing-iling namang sabi ni Tobi mula sa itaas.
Napangiti naman si Asuna at Nigito nang mismong si Morpheus ang nag-heal kay Harada. Mukhang naayos na ang gusot sa pagitan nila, sa pagitan ng tunay na mag-asawa sa real world.
"Mukhang ayos na sila ah," sabi ni Asuna na nakahawak sa braso ni Nigito.
"Oo nga, matatahimik na tayo rito sa headquarters," natatawang sagot naman ni Nigito. Pasimple rin niyang inakbayan ang katabing si Asuna.
AGAD ding inumpisahan ang ikat
