HINDI na nga nagawang makaalis nina Echiro sa ilalim ng buhangin sapagkat nakapulupot sa katawan ng mga ito ang mga galamay ng AI na gumawa nito.
Naka-activate rin kasi ang skill ng Sand Annihilator na Burial. Sa oras na makapitan ng mga galamay nito ang isang player ay maii-silence nito ang kahit anong skill mula rito. Isa pa, naapektohan din sila ng sleep effect noon kaya nahirapan silang kumawala. Kailangan na nga nilang makaalis dito dahil unti-unti nang nauubos ang kanilang HP.
SAMANTALA, tanging sina Tobi, Asuna at Nami ang nakaligtas mula roon kaya sila na lamang ang tanging pag-asa ng kanilang mga kasamahan. Base nga sa calculations ni Tobi, dapat nilang matalo ang monster sa loob ng limang minuto upang mailigtas ang mga ito.
"Asuna!" Agad na lumingon si Asuna sa tawag ni Tobi.
