SA ikalawang laban sa group A, mabilis lang na tinapos ng Captain ng Phantom guild ang kalaban nito. Halatang mainit ang ulo ng dalagang archer. Isang malakas na "Boo!" nga rin ang umalingangaw mula sa mga manonood. Ito ay ang mga member ng Star Rusher. Sinigawan naman ang mga ito ng mga taga-Phantom. Doon na nga ay nagpalitan ng mga masasakit na salita ang dalawang grupo.
"Isang laban na lang at makakaharap na kita. Doon na natin tatapusin ang lahat-lahat..." mahina pero pagalit na sabi ni Morpheus sa nakasalubong nitong player nang bumalik siya sa loob ng colloseum. Si Harada iyon, ang captain ng Star Rusher.
"Relax ka lang. Siguruhin mo muna na matatalo mo si Blackswordman," sagot naman ng binata at nagbitaw pa ito ng pang-asar na tawa.
Napakuyom ng kamao si Morpheus pero nagtimpi si
