اتنين مش واحد

الحلقه السادسه

اتنين مش واحد

الحلقه السادسه

______________

سيف بستغراب...

= اخوياا ازاي ي عم و كمان يمكن تشابه اسماء مش اكتر...

احمد بجديه..

= اتفضل ي باشا البطاقه الشخصيه بتاعته و شوف بنفسك بقا...

خد سيف البطاقه من احمد بستغراب جداا و وقف مصدوم قدامهم شويه يبص علي البطاقه و شويه يبص علي الواقع علي الارض مغمي عليه و شويه و يبص علي احمد و مصطفي بستغراب شديد...

احمد بجديه..

= انا عارف انك مستغرب جدا كنا كده اول ما عرفنا بس مش عارف بقا دا حقيقه و لا اي و انت الوحيد اللي تقدر تعرف بتحليل DNA لو عايز طبعا تتاكد...

مصطفي بجديه..

= و لما عرفنا كده جبناه علي هنا و اتصلنا بيك يعني اطمن محدش عارف حاجه و احنا مش هنقول حاجه لحد ما تتاكد بنفسك ي صاحبي...

أومأ سيف بنظره الاستغراب الشديد و هو لسه مش مستوعب اي حاجه..

= متشكرين ي رجوله تعبتكو معايا..

مصطفي بجديه....

= و لا تعب و لا حاجه ي باشا انت اخوناا و اللي يخصك يخصنا...

احمد بتاسف...

= و معلش يعني علي اللي عملته فيه بس مكنتش اعرف و قال ادبه و كده و انت عارف بقا مش بعرف امسك نفسي...

سيف بضحك و هدوء في نفس الوقت...

= اللي عارفك ي باشا بس عادي و لا يهمك دا يحمد رينا مكنتش انا مكنش عرف يصحه تاني اصلا...

ضحك مصطفي و احمد و في نفس الوقت...

=حصل ي باشا...

و قام شد الشخص من ايده و رفعه علي كتفه و دخله العربيه و ساق سيف العربيه و مشي و هو كان في صدمه مش عارف يعمل اي مش عارف يفكر كل اللي بيفكر فيه هو دا اخوياا طب امي مجبتش سيره عليه قبل كده و لو اخويا بيعمل هنا اي مش عارف مش عارف......

♕♕♕♕♕♕♕♕♕♕♕♕♕♕♕♕♕♕♕♕♕♕♕♕♕

في اليوم التاني في بيت هناا..

في الصباح دخل خالد علي هنا يصحيهاا و لكن لما يلقيها موجوده...

خالد بستغراب..

= هي البت دي راحت فين من الصبح بدري كده...

و قام بتدوير عليها في البيت و لكن لم يلقيهاا في اي مكان ثم قام بتصال عليها و لم ترد عليه قلق خالد جدا...

تابع خالد اتصال مجدد عده مرات لحد ما ردت هنااا...

خالد بغضب..

= انتي فين ي هنا من الصبح كده..

هنا بهدوء..

= جايه اهوه ي خالد...

قفل خالد التلفون في وش هنا و قعد يستنهاا في صالون البيت...

و بعد ربع ساعه دخلت هنا البيت و جت تطلع علب غرفتهاا وقفت علي صوت خالد...

= كنتي فين ي هناا...

هنا بهدوء..

= اي... ااه كنت فين كنت بجيب خضار من السوق ي خالد بص الشنط كتيره ازاي تعال خدهم ايدي وجعتني و الله...

خالد بستغراب و هو بيشيل الشنط من هناا...

= كنتي في السوق من بدري كده لي..

هنا ببرود...

= علشان الصبح بتبقا الحاجه كويسه و كده...

ثم تبعت بزهق..

= هو في اي ي خالد انت عمال تسالني كل شويه كنتي فين مع مين و اول مره تعنل كده و بعدين داخل تحقيق لي كده من الصبح اي دا..

شدها خالد من قفهاا و غضب مصطنع..

= انتي بتقولي اي قولي تاني علشان مسمعتش معلش هاا كنتي بتقولي اي..

هنا و هي بتشد نفسها منه...

= ي عم اوع كده بقولك في اي ي خالوده...

ضحك خالد...

= اه بحسب يلا ادخل اعمل فطار...

دخلت هنا المطبخ و بدات في عمل الفطار ليها و شقيقها خالد بس قطعها ارتفاع رنين تلفونها و كانت اميره صاحبتها المتصله..

مسكت هنا التلفون و فتحت...

= خير ي وش البومه...

اميره بزهق مصطنع....

= وش بومه اي ي عره احترمي نفسك بس تعالي هنا ي بت اي دا اللي بتكلمني هناا متاكده...

هناا ببرود..

= ايوه هناا عايزه اي ي بت....

اميره بهزار...

= اصل انهارده اجازه و كده افيش جامعه يعني ازاي صاحيه بدري كده ي ست هناا..

هناا ببرود..

= لا ي بت... طب استني اضحك هيهي اي ي بت خفت الدم دي يخربيتك مش قدره هموت.... عايزه اي ي بت انطقي...

اميره بجديه...

= احم بصراحه كده احم كنت عايزه منك حاجه صغننه و الله..

هنا بزهق..

= هتفضلي تقولي احم كتير انطقي و قولي اي هيا..

اميره ببتسامه خفيفه..

= بصي ي هناا ي قمر انا عايزاكي تجي معايا اشتري شويه لبس...

هنا بهدوء..

= اممم تمم ماشي عماله بقا تقولي احم و تلفي و تدوري لي مش فاهمه متقولي علطول يعني فيها اي....

اميره و هي مش مصدقه...

= اي دا احلفي بجد انتي وفقتي كده من غير اي شرط و لا اي حاجه ي سبحانه الله انتي فطرتي ي حبيبتي...

ضحكت هنااا...

= لا و الله مفطرتش بس عادي يعني و كمان مش عايزه حاجه دلوقتي يعني فا افيش شرط انبستي ي ستي...

ضحكت اميره..

= ماشي ي ستي هنبسط...

ثم تابعت بجديه..

= تمم حضري نفسك كده علي الساعه 4 كده اشطاا يسطاا...

أومأ هنااا بهدوء...

= اشطااا...

قفلت هنا التلفون و اتجهت و هي بتحمل الفطار و حطته علي السفره و نادت علي خالد...

= ي خاااااالد... ي خااااالد... انزل حطيت الفطار.... ي زفت... ي خالد..

خالد بزهق...

= اي في اي نازل اهوه....

♕♕♕♕♕♕♕♕♕♕♕♕♕♕♕♕♕♕♕♕♕♕♕♕♕♕♕♕

و كان سيف قاعد علي الكرسي قدام السرير اللي نايم عليه الشخص دا و هو حاطط رجل علي رجل و مستنيه يصحه...

و بعد ربع ساعه صحي الشخص و اتفجاء بقعاد سيف قدامه..

الشخص بستغراب و هو بيحط ايده علي راسه...

= اي دا انا فين و انت مين و اي اللي جابني هنا...

سيف بهدوء...

= انتي فين... مالكش دعوه.. اما مين اللي جابك هنا في اللي جابك هو اناا و انا مين.. بردو مالكش دعوه و مش عايز اسمع صوتك اللي باجابه علي الاساله بس اللي هقولها بس طبعاا بعد ما تشرب فنجان القهوه دا علشان تفوق كده معايا..

ثم ناوله فنجان قهون يشربه... و بعد ما شرب القهوه و فاق شويه...

سيف ببرود و و هو قاعد بكبرياء و حاطط رجل علي رجل و بجديه...

= انت مين...

الشخص بستغراب..

= المفروض انا اللي اسالك انت مين مش انت و اعرف انا هنا بعمل اي..

سيف و هو بيخاد نفس ل تهددات نفسه و بعصبيه....

= بص مش بحب اعيد السوال مرتين فا هعيدها المرادي علشان انت لسه متعرفنيش...

ثم طرح عليه السوال تاني..

الشخص بهدوء..

= اياد علي...

سيف بضحك...

= هو شكلنا كده هنعمل زي الاطفال هقولك اسمك اي تقولي اياد اقولك اسم ابوك تقولي علي صح...

ثم تابع بزهق...

= متنطق يله اسمك اي من عيله اي اسمك كامل ي روح امك...

الشخص بزهق..

= انت مالك اصلا بتسالني لي و اي ي روح امك دي مطولش لسانك احسنلك انت فاهم....

قام سيف وقف و هو بيضحك و فجاءه وقف عن الضحك و قام بلقمه في وجه جامد...

= انت هتصاحبي يله و تقولي اتكلم ازاي كماى لما اسالك ترد علي قد السوال وبس متكترش و اي احسنلك دي هتعمل اي يعني...

ثم تابع بغضب..

= زفت اسمك اي بكامل...

الشخص بزهق..

= انا مش هراد عليك و انا هوريك انا هعمل اي بس لما اعرفك بس عايز اسمي يعني تمم اياد علي السويفي...

استووووب...

اياد علي السويفي عنده 27 سنه متخرج من كليه حقوق عين شمس طويل و وسيم جدا و جسمه رياضي مالهوش في اي حاجه غير ان بيروح الديسكو و يجي من الديسكو يعتبر عايش من ورث بابه و هنتعرف عليه بالكامل في الاحداث القادمه...

باااااااااااك...

سيف بهدوء...

= تمم اهلك فين..

اياد بستغراب...

= هو في اي انت الاول سالت اسمي اي و قولت ماشي هعديها و دلوقتي بتسال عن اهلي لي...

سيف ببرود..

= مزاجي كده ي عم..

ثم تابع بزعيق عالي...

= متجاوب ي زفت هو لزم علي كل سوال تعمل شويه حركات انطق...

اياد بافف...

= ماشي بس ي رب نخلص... ابوياا متوفي و امي قاعده في الاسكندريه و اخويا شغال ضابط اي تاني بقاا..

سيف بستغراب...

= انت عارف اخوك يبقا مين...

اياد ببرود..

= لا و الله و لا اعرف شكله حتي كل اللي اعرف انو عايش مع ماما في اسكندريه و شغال ضابط بس و اه اعرف ان اسمه سيف السويفي...

سيف و هو بيبل ريقه من الصدمه و يضرب بيده علي دماغه...

= ازاي... ازاي دا.. مش فاكره حاجه و لا عارف حاجه..

اياد بستغراب...

= هو في اي انا مش فاهم انت مين و جايبني هنا لي و اي كل الاسال دي و عايز اي مني...

سيف بعصبيه...

= اسكت دلوقتي مش واقتك علشان متلقيش نفسك روحت في دنيا غير الدنيا دي و سبني افكر احسنلك...

اياد بتافف و بزهق..

= ي ربي متخلص تقولي ي عم علي الاقلق انت مين و انا بعمل هنا اي هفضل تايه كده و مش عارفك و مشيني من هنا و فكر براحتك...

( سأنتظر غدأ، و إن لم تاتي، فكلٕ الايام غدأ حتي تعود....♡!!)

بقلم حبيبه زيدان.