Corrine’s tumor was benign. Hindi maipaliwanag ang relief na naramdaman niya nang sabihin iyon sa kanya ni JC. Nang makahuma, ipinaliwanag ng binata ang mga option niya, ang mga puwede nilang gawin sa bukol. Hindi na niya kailangan pang mag-isip ng dapat na gawin. Kaagad niyang napagpasyahan na ipaalis iyon through surgery. May mga less invasive procedures pero mas gusto niyang makasiguro. Mas gusto rin ni JC ang surgery para mas makita ang kalagayan ng tumor.
May opening sa schedule ni JC kinabukasan kaya kaagad na ini-schedule ang removal.
Inihatid siya ng binata sa kanyang apartment kahit na ipinilit niyang kaya na niya.
“Emotionally draining ang araw na ito. Let me take you home.”
“I’ll be okay.”
“I know. I just want to take you home.”
Dahil hindi naman dinala ni Corrine ang sasa
