Chapter 17: Outsider
"Sigurado ka sa sinabi mo?" Dudang tanong ni Donn sa narinig na sinabi ni Zac, pero bakas sa mukha niya ang ekspektasyon at galak.
Tumango si Zac at nagwika, "Kung gusto mo para mas mapanatag ka ay puwede pa akong sumumpa sa pangalan ng Supreme Ruler." Sambit ni Zac at ang ngiti sa labi ni Donn ay mas lalo pang lumaki.
Tuluyan nang nawala sa mukha niya ang galit na naramdaman matapos iligtas ni Zac ang kaniyang kaduwelong si Lanter.
"Sige. Sa oras na sumumpa ka ay papayag ako sa inaalok mo. Susumpa pa ako na walang makakaalam ng ginawa mo sa aming duwelo. Kahit si Daryn ay papasumpain ko." Kampante si Donn sa kaharap niyang si Zac. Rank 5 early stage lang ang nararamdaman niya sa aura ni Zac at kahit na may kakaiba siyang skill na ginagamit para tumapos ng rank 5 m
