Maria Lizianna Dela Cruz
Pakiramdam ko ay nasa isa akong laro. Sa larong iyon ay binigyan ako ng pagkakataon na maramdaman na mahalin at magmahal. Pero, habang iniisip ko ang lahat ng nangyari simula ng nasa Italy pa lang ako ay para bang sasabog sa sakit ang aking ulo. Halo-halo ang emosyon pero nangingibabaw ang galit. Ang dami kong tanong sa isipan ko kung bakit naman ganito?
Ang dalawang tao na minahal ko ng sobra ay iisa lang pala at kung nagtagal-tagal pa ang pag-uusap namin ni Terrance ay baka naging tatlo pa sila.
Tatlong pangalan na iba ang pagkakakilala ko pero isang tao lamang pala.
Si Sancho, ang lalakeng nagmamay-ari ng isang lumang Villa sa Italy, si Cai na pulubi at si Terrance na anak ni Don Terroniel na isang mayaman dito sa Karmona. Lahat sila ay iisa. P-Paano niya na
