NAKAILANG TANAW si Celeen sa bukirin kinaumagahan. Ibang-iba 'to sa nakasanayan niyang buhay. At aaminin niya na nangangapa pa rin siya sa ganitong sitwasyon. Maya-maya pa'y natanaw niya ang kaniyang Kuya Johann na katatapos lamang pumitas ng saging na saba.
"Iyan ang kakainin natin sa almusal?" may tonong pagtataka na pagkakasabi niya.
Sinentro naman siya ng tingin ni Johann na ngayo'y ramdam pa rin ang pagod mula sa pag-akyat sa kabundukan. "Celeen, dito gawa ang paborito mong banana que at turon, so ano bang problema sa saging na saba?" Napahalukipkip siya sa narinig. Pakiramdam niya'y kailangan niya nang masanay kumain ng hindi nakasanayang almusal. "Halika rito at pakihugasan ang saba dahil magpaparingas ako ng kahoy nang mailuto na 'yan." Pagkasabi no'n ng kaniyang kuya ay sinundan
