KABANATA XXXV
HINDI alam ni Trina ang mararamdaman kung matutuwa ba siya sa pagkakataong nakasama niya si Nica at ang Nanay Chandra niya. Nasa iisang kubo sila ngayon. Lahat sila nakaupo paharap sa isang malaking bilog na mesa. Dumating na rin si Thunder at Gail--- namasyal lang daw ang mga ito sa paligid habang hinihintay silang dalawa kanina.
"Ano'ng gusto niyo kainin?" tanong ni Gail sa kanila.
"Masarap daw ang halo-halo rito," sagot naman ni Thunder.
"Kayo po, maam? Ms. Nica?" baling ni Gail sa dalawa. Hindi maintindihan ni Trina ang sarili kung bakit siya masaya habang pinagmamasdan si Nica, kahit pa na puro lang pagtataas ng kilay ang sinasalubong nito sa kaniya. Mabuti nalang nandoon si Gail, kahit papano alam niyang may umaagaw ng tensyon na pwedi niyang maramdaman kung s
